രമേശ് ചെന്നിത്തലയെ അധിക്ഷേപിച്ച് എ ഐ വിഡിയോ; കേസെടുത്ത് സൈബര് പൊലീസ്
അട്ടപ്പള്ളം ആൾക്കൂട്ട കൊലപാതകം; ജാമ്യത്തിലായിരുന്ന പ്രതി തൂങ്ങി മരിച്ചു
April 8, 2026
എറണാകുളത്തപ്പന് ഗ്രൗണ്ടിന്റെ ഉടമസ്ഥാവകാശം ഭഗവാന്; ഭരണ നിര്വഹണ ചുമതല ദേവസ്വം ബോര്ഡിന് : ഹൈക്കോടതി
April 8, 2026
ആലപ്പുഴ : ഹരിപ്പാട് മണ്ഡലത്തിലെ യുഡിഎഫ് സ്ഥാനാര്ഥിയും കോണ്ഗ്രസ് നേതാവുമായി രമേശ് ചെന്നിത്തലയെ അധിക്ഷേപിച്ചുകൊണ്ട് എഐ വിഡിയോ പ്രചരിപ്പിച്ച സംഭവത്തില് കേസെടുത്ത് പൊലീസ്. ചെന്നിത്തലയുടെ ഇലക്ഷന് കമ്മിറ്റി ചെയര്മാന് അനില് ബി കളത്തില് സംസ്ഥാന തെരഞ്ഞെടുപ്പ് കമ്മീഷന് നല്കിയ പരാതിയുടെ അടിസ്ഥാനത്തില് ആലപ്പുഴ സൈബര് പൊലീസ് ആണ് കേസെടുത്തത്.
മതവികാരത്തെ ദുരുപയോഗപ്പെടുത്തുന്ന തരത്തിലുള്ള സ്റ്റേറ്റ്മെന്റുകള് ചേര്ത്ത വിഡിയോ പ്രചരിപ്പിച്ചെന്ന പരാതിയില് ഭാരതീയ ന്യായ സംഹിതയിലെ 192-ാം വകുപ്പ് പ്രകാരമാണ് കേസെടുത്തിരിക്കുന്നത്. രമേശ് ചെന്നിത്തലയുടെയും എതിര് സ്ഥാനാര്ഥിയായ ബിജെപി നേതാവിന്റെയും എ ഐ വീഡിയോ ദൃശ്യങ്ങള് ഉപയോഗിച്ചാണ് നിര്മ്മിച്ചിരിക്കുന്നത്.
വിഡിയോ ഫെയ്സ്ബുക്ക് ഇന്സ്റ്റഗ്രാം വാട്സ്ആപ്പ് യൂട്യൂബ് തുടങ്ങി എല്ലാ സോഷ്യല് മീഡിയ പ്ലാറ്റ്ഫോമുകളിലൂടെയും വന്തോതില് പ്രചരിപ്പിക്കുകയായിരുന്നു. പ്രചാരണത്തിന് പിന്നില് ബിജെപി കേന്ദ്രങ്ങളാണെന്നായിരുന്നു പരാതി.
