വോട്ടര് പട്ടികയില് പേരുണ്ടോ? എങ്ങനെ പരിശോധിക്കാം
ജി സുധാകരനെ കുട്ടിക്കുരങ്ങിനോട് ഉപമിച്ച് എസ്എഫ്ഐ മുന് ഏരിയാ സെക്രട്ടറി
March 20, 2026
സംസ്ഥാനത്ത് അടുത്ത മുന്ന് ദിവസം 11 ജില്ലകളില് ഉയര്ന്ന താപനില മുന്നറിയിപ്പ്
March 20, 2026
തിരുവനന്തപുരം : വോട്ടര് പട്ടികയില് പേരുണ്ടോ എന്ന് പരിശോധിക്കുന്നതിന് തെരഞ്ഞെടുപ്പ് കമ്മീഷന് ഒരുക്കിയിട്ടുള്ള മാര്ഗങ്ങള് പൊതുജനങ്ങള്ക്ക് ഉപയോഗിക്കാം. വോട്ടര് പട്ടികയില് പേരുണ്ടെങ്കില് മാത്രമേ നിയമസഭ തെരഞ്ഞെടുപ്പില് വോട്ട് ചെയ്യാന് സാധിക്കൂ.
വോട്ടര് ഹെല്പ്ലൈന് നമ്പറായ 1950 ലേക്ക് വിളിക്കുക. എസ്ടിഡി കോഡ് ചേര്ത്തു വേണം വിളിക്കാന്. തുടര്ന്ന് വോട്ടര് ഐഡികാര്ഡ് നമ്പര് നല്കിയാല് വോട്ടര്പട്ടികയിലെ വിവരങ്ങള് ലഭിക്കും. വോട്ടര് ഹെല്പ് ലൈന് നമ്പറായ 1950 ലേക്ക് എസ്എംഎസ് അയക്കാം. ഇസിഐ എന്ന് ടൈപ്പ് ചെയ്ത് സ്പേസ് ഇട്ടശേഷം ഇലക്ഷന് ഐഡികാര്ഡിലെ അക്കങ്ങള് ടൈപ്പ് ചെയ്ത് 1950 ലേക്ക് അയക്കുക. വോട്ടര്പട്ടികയിലെ വിവരങ്ങള് മറുപടി എസ്എംഎസ് ആയി ലഭിക്കും.
കേന്ദ്ര തെരഞ്ഞെടുപ്പ് കമ്മിഷന്റെ വെബ്സൈറ്റായ eci.gov.in ല് പ്രവേശിച്ച് ഇലക്ടറല് സെര്ച്ച് എന്ന ലിങ്കില് ക്ലിക്ക് ചെയ്ത് ഇലക്ഷന് ഐഡി കാര്ഡ് നമ്പര് (എപിക് നമ്പര്) നല്കി സംസ്ഥാനം നല്കിക്കഴിഞ്ഞാല് വോട്ടര്പട്ടികയിലെ വിവരങ്ങളെല്ലാം ലഭിക്കും.
