സുരേഷ് ഗോപി ഗുരുവായൂരിൽ മത്സരിക്കുമോ? നിയമസഭാ തെരഞ്ഞെടുപ്പില്‍ സുരേഷ് ഗോപിക്ക് വോട്ട് ഗുരുവായൂരില്‍

തൃശൂര്‍ : നിയമസഭാ തെരഞ്ഞെടുപ്പില്‍ മത്സരിക്കാൻ സുരേഷ് ഗോപി ഗുരുവായൂരിലേക്കെന്ന് സൂചന. അതിന് മുന്നോടിയായി നിയമസഭാ തെരഞ്ഞെടുപ്പില്‍ ഗുരുവായൂരില്‍ വോട്ട് ചേർത്ത് കേന്ദ്ര സഹമന്ത്രി സുരേഷ് ഗോപി. ദേവസ്വം ബോര്‍ഡ് ഇംഗ്ലീഷ് മീഡിയം സ്‌കൂളിലാണ് വോട്ട്. 697-ാം നമ്പര്‍ വോട്ടര്‍ ആയാണ് ചേര്‍ത്തിരിക്കുന്നത്.

അച്യുതം ഫ്‌ലാറ്റാണ് വിലാസമായി നല്‍കിയത്. സുരേഷ് ഗോപിയുടെ ഉടമസ്ഥതയിലുള്ളതാണ് ഫ്‌ലാറ്റ്. തദ്ദേശ തെരഞ്ഞെടുപ്പില്‍ തിരുവനന്തപുരത്തും ലോക്സഭാ തെരഞ്ഞെടുപ്പില്‍ തൃശ്ശൂരിലുമായിരുന്നു സുരേഷ് ഗോപി വോട്ട് രേഖപ്പെടുത്തിയത്.