കേന്ദ്ര ബജറ്റിലെ അവഗണന; നാളെ സിപിഐഎം കരിദിനം ആചരിക്കും
‘ചൈന ഇന്ത്യന് ഭൂമി കയ്യേറി’; മുന്കരസേനാ മേധാവിയുടെ പുസ്തകത്തിലെ പരാമര്ശം ഉദ്ധരിച്ച് രാഹുല്ഗാന്ധി
February 2, 2026
കേരളത്തിന് 3975 കോടി അനുവദിച്ചു; ശബരി പാതയ്ക്ക് എല്ലാ നടപടികളും പൂര്ത്തിയായി : കേന്ദ്ര റെയില്വേമന്ത്രി
February 2, 2026
തിരുവനന്തപുരം : കേന്ദ്ര ബജറ്റില് കേരളത്തെ അവഗണിച്ചു എന്നാരോപിച്ച് സിപിഐഎം നാളെ സംസ്ഥാനത്ത് കരിദിനം ആചരിക്കും. എല്ലാ ബൂത്തുകളിലും പ്രതിഷേധ പ്രകടനങ്ങള് സംഘടിപ്പിക്കാന് സിപിഐഎം നേതൃത്വം പാര്ട്ടി പ്രവര്ത്തകരോട് ആവശ്യപ്പെട്ടിട്ടുണ്ട്.
ബജറ്റിന് മുന്നോടിയായി കേരളം ഉന്നയിച്ച 29 ആവശ്യങ്ങളില് ഒന്നുപോലും കേന്ദ്രം പരിഗണിച്ചില്ല. സംസ്ഥാനത്തിന്റെ ദീര്ഘകാല വികസന ആവശ്യങ്ങള് അവഗണിക്കപ്പെട്ടുവെന്നും സിപിഐഎം സംസ്ഥാന സെക്രട്ടേറിയറ്റ് കുറ്റപ്പെടുത്തി. ഏഴ് അതിവേഗ റെയില്വേ ഇടനാഴികളിലും കേരളത്തെ തഴഞ്ഞു.
ഉള്നാടന് ജലഗതാഗത പദ്ധതി, സര്വ്വകലാശാലകള്, ടൗണ്ഷിപ്പുകള് എന്നിവയുടെ പ്രഖ്യാപനങ്ങളിലും കേരളമില്ല. ഇന്ത്യയുടെ ഭൂപടത്തില് കേരളം എന്നൊരു സംസ്ഥാനം നിലനില്ക്കുന്നില്ല എന്ന രീതിയിലുള്ള സമീപനമാണ് കേന്ദ്ര ബജറ്റില് പ്രകടമാകുന്നതെന്ന് സിപിഐഎം സംസ്ഥാന സെക്രട്ടറിയേറ്റ് പ്രസ്താവനയില് പറഞ്ഞു.
