ശബരിമല സ്വര്ണക്കൊള്ള : നിര്ണായക അന്വേഷണ റിപ്പോര്ട്ട് എസ്ഐടി ഇന്ന് ഹൈക്കോടതിക്ക് കൈമാറും
എസ്ഐആര് : രേഖകൾ സമര്പ്പിക്കാനുള്ള തീയതി ജനുവരി 30 വരെ നീട്ടി
January 19, 2026
കോതമംഗലത്ത് ടൂറിസ്റ്റ് ബസിന് തീപിടിച്ചു
January 19, 2026
കൊച്ചി : ശബരിമല സ്വര്ണക്കൊള്ളയില് നിര്ണായക അന്വേഷണ പുരോഗതി റിപ്പോര്ട്ട് എസ്ഐടി ഇന്ന് ഹൈക്കോടതിക്ക് കൈമാറും. ദ്വാര പാലക ശില്പ്പങ്ങള് അടക്കമുള്ള സ്വര്ണ്ണപ്പാളികളുടെ ശാസ്ത്രീയ പരിശോധന ഫലം എസ്ഐടി റിപ്പോര്ട്ടിനൊപ്പം ഹാജരാക്കും.
ശബരിമലയിലെ സ്വര്ണക്കൊള്ള സ്ഥിരീക്കുന്നതാണ് ശാസ്ത്രീയ പരിശോധന ഫലം. ഉണ്ണികൃഷ്ണന് പോറ്റി കൊണ്ടുപോയി തിരികെയെത്തിച്ച കട്ടിളപ്പാളി, ദ്വാരപാലക ശില്പങ്ങള് എന്നിവയില് സ്വര്ണം കുറവ് വന്നതായാണ് വിക്രം സാരാഭായി സ്പേസ് സെന്ററിന്റെ (വിഎസ്എസ്സി) ഫോറന്സിക് പരിശോധന ഫലം. പോറ്റിയും സംഘവും സ്ഥാപിച്ചത് യഥാര്ത്ഥ പാളികളാണോ എന്ന ചോദ്യത്തിനുള്ള ഉത്തരം റിപ്പോര്ട്ടില് ഉണ്ടാകും. തന്ത്രി, ശങ്കരദാസ് എന്നിവരുടെ അറസ്റ്റിനു ശേഷമുള്ള തുടര് നടപടികളും എസ്ഐടി ഹൈക്കോടതിയെ അറിയിക്കും.
വാജി വാഹന കൈമാറ്റത്തില് അജയ് തറയില് അടക്കമുള്ളവര്ക്കെതിരായ അന്വേഷണ കാര്യത്തില് ഹൈക്കോടതിയുടെ നിര്ദ്ദേശം ഇന്നുണ്ടായേക്കും. 2012ലെ ബോര്ഡ് ഉത്തരവിന് വിരുദ്ധമായാണ് വാജി വാഹനം കൈമാറിതെന്നാണ് എസ്ഐടി കണ്ടെത്തല്. എന്നാല് അഡ്വക്കേറ്റ് കമ്മീഷണറുടെയും ഹൈക്കോടതിയുടെയും അറിവോടെയാണ് കൈമാറ്റം എന്നതിന്റെ രേഖകളും കഴിഞ്ഞ ദിവസം പുറത്തുവന്നിരുന്നു.
