അധ്യാപക നിയമനത്തിന് ഇനി കെ-ടെറ്റ് നിര്ബന്ധം; ഉത്തരവിറക്കി സർക്കാർ
പത്തനംതിട്ടയില് ഡിജെ കലാകാരന്റെ ലാപ്ടോപ്പ് പൊലീസ് തകര്ത്തതില് ഇടപെട്ട് മുഖ്യമന്ത്രി
January 2, 2026
പാലക്കാട് ചികിത്സാപിഴവില് കൈ നഷ്ടപ്പെട്ട 9 വയസുകാരിയുടെ ചെലവ് ഏറ്റെടുത്ത് പ്രതിപക്ഷ നേതാവ്
January 2, 2026
തിരുവനന്തപുരം : സര്ക്കാര് – എയ്ഡഡ് സ്കൂളുകളിലെ അധ്യാപക നിയമനങ്ങള്ക്കും സ്ഥാനക്കയറ്റങ്ങള്ക്കും കെ-ടെറ്റ് നിര്ബന്ധമാക്കി സര്ക്കാര് ഉത്തരവ്. 2025 സെപ്റ്റംബര് ഒന്നിലെ സുപ്രിംകോടതി വിധിയുടെ പശ്ചാത്തലത്തിലാണ് നടപടി. മാര്ഗനിര്ദേശങ്ങള് പുതുക്കിയതോടെ നിലവിലുണ്ടായിരുന്ന പല ഇളവുകള് ഇല്ലാതായി.
സെറ്റ്, നെറ്റ്, എംഫില്, പിഎച്ച്ഡി, എംഎഡ് എന്നീ ഉയര്ന്ന യോഗ്യതകള് ഉള്ളവരെ കെ-ടെറ്റ് നേടുന്നതില് നിന്നും ഒഴിവാക്കിയതുള്പ്പെടെയാണ് പുതിയ ഉത്തരവോടെ റദ്ദാകുന്നത്. ഇതോടെ ഈ യോഗ്യതയുള്ളവരും ഇനി അധ്യാപക തസ്തികകളിലേക്കും സ്ഥാനക്കയറ്റത്തിനും കെ-ടെറ്റ് യോഗ്യത വേണ്ടിവരും. ഹൈസ്കൂള് അധ്യാപകര്ക്ക് പ്രധാന അധ്യാപകരാകാനോ, ഹയര് സെക്കന്ഡറി വിഭാഗത്തിലേക്ക് ബൈട്രാന്സ്ഫര് നിയമനം ലഭിക്കാനോ ഇനി കെ-ടെറ്റ് കാറ്റഗറി മൂന്ന് നിര്ബന്ധമാണ്.
എല്പി, യുപി അധ്യാപക നിയമനങ്ങള്ക്ക് കെ-ടെറ്റ് കാറ്റഗറി ഒന്ന്, രണ്ട് എന്നിവയില് ഏതെങ്കിലും ഒന്ന് വിജയിച്ചവരെ പരിഗണിക്കും. എന്നാല് ഹൈസ്കൂള് നിയമനങ്ങള്ക്ക് കാറ്റഗറി മൂന്ന് തന്നെ വേണം. കേന്ദ്ര അധ്യാപക യോഗ്യതാ പരീക്ഷ സിടെറ്റ് വിജയിച്ചവര്ക്കുള്ള ഇളവ് തുടരും. സി-ടെറ്റ് പ്രൈമറി സ്റ്റേജ് വിജയിച്ചവരെ എല്പി നിയമനത്തിനും എലമെന്ററി സ്റ്റേജ് വിജയിച്ചവരെ യുപി നിയമനത്തിനും പരിഗണിക്കും. എച്ച്എസ്ടി/യുപിഎസ്ടി/എല്പിഎസ്ടി തസ്തികകളിലേക്കുള്ള ബൈട്രാന്സ്ഫര് നിയമനങ്ങള്ക്ക് അതാത് കാറ്റഗറിയിലെ കെ-ടെറ്റ് വിജയിച്ചര്ക്ക് മാത്രമായിരിക്കും പരിഗണന.
