കൊച്ചിയില് വിരമിച്ച അധ്യാപികയെ ദുരൂഹ സാഹചര്യത്തില് രക്തം വാര്ന്ന് മരിച്ച നിലയില് കണ്ടെത്തി
തെരഞ്ഞെടുപ്പ് കമ്മീഷന്റെ കണക്കുകള് പ്രകാരം തദ്ദേശ തെരഞ്ഞടുപ്പിലെ ലാഭനഷ്ടക്കണക്കുകള് ഇങ്ങനെ
December 20, 2025
നടന് ശ്രീനിവാസന് അന്തരിച്ചു
December 20, 2025
കൊച്ചി : പോണോക്കരയില് വിരമിച്ച അധ്യാപികയെ ദുരൂഹ സാഹചര്യത്തില് രക്തം വാര്ന്ന് മരിച്ച നിലയില് കണ്ടെത്തി. 70 വയസുകാരിയായ വനജയാണ് മരിച്ചത്. കിടപ്പുമുറിയില് കണ്ട മൃതദേഹത്തിന് സമീപത്തുനിന്ന് കത്തി കണ്ടെത്തി. ആത്മഹത്യയെന്നാണ് പൊലീസിന്റെ പ്രാഥമിക സംശയം. സംഭവത്തില് എളമക്കര പൊലീസ് അന്വേഷണം ആരംഭിച്ചു.
ബന്ധുക്കള്ക്കൊപ്പമാണ് വയോധിക താമസിച്ചിരുന്നത്. വീട്ടുകാര് ഇന്നലെ രാത്രി പുറത്തുപോയി വന്നപ്പോഴാണ് വനജയെ മരിച്ച നിലയില് കണ്ടെത്തിയത്. റൂമില് ചോര തളം കെട്ടിക്കിടക്കുയും കിടക്കയില് നിന്ന് കത്തി കണ്ടെത്തുകയും ചെയ്തു. ഇതോടെ വിവരം പൊലീസിനെ അറിയിക്കുകയായിരുന്നു.
പൊലീസ് സ്ഥലത്തെത്തി ഇന്ക്വസ്റ്റ് നടപടികള് പൂര്ത്തിയാക്കിയ ശേഷം മൃതദേഹം മോര്ച്ചറിയിലേക്ക് മാറ്റി. പോസ്റ്റ്മോര്ട്ടം റിപ്പോര്ട്ട് കിട്ടിയ ശേഷമേ മരണത്തിന്റെ യഥാര്ഥ വസ്തുത അറിയാന് കഴിയുകയുള്ളുവെന്ന് പൊലീസ് പറഞ്ഞു. പോസ്റ്റ്മോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുനല്കുമെന്നും പൊലീസ് പറഞ്ഞു.
