മുന് എംഎല്എ ലതാദേവി സിപിഐ കൊല്ലം ജില്ലാ പഞ്ചായത്ത് സ്ഥാനാര്ത്ഥി
ക്ലൗഡ്ഫ്ലെയറിൽ സാങ്കേതിക തടസ്സം; എക്സ്, ചാറ്റ് ജിപിടി അടക്കമുള്ള പ്ലാറ്റ്ഫോമുകളുടെ പ്രവർത്തനം തടസ്സപ്പെട്ടു
November 19, 2025
ഇന്ത്യ ഹിന്ദു രാഷ്ട്രമാണെന്നതിന് ഔദ്യോഗിക പ്രഖ്യാപനത്തിന്റെ ആവശ്യമില്ല : മോഹൻ ഭഗവത്
November 19, 2025
കൊല്ലം : തദ്ദേശ തെരഞ്ഞെടുപ്പില് മുന് എംഎല്എ ആര് ലതാദേവിയെ മത്സരിപ്പിക്കാന് സിപിഐ തീരുമാനം. കൊല്ലം ജില്ലാ പഞ്ചായത്തിലെ ചടയമംഗലം ഡിവിഷനിലാണ് ലതാദേവി മത്സരിക്കുക. ഇന്നലെ ചേര്ന്ന സിപിഐ ജില്ലാ എക്സിക്യൂട്ടീവ് യോഗമാണ് എല്ഡിഎഫ് സ്ഥാനാര്ത്ഥിയായി ലതാദേവിയെ മത്സരിപ്പിക്കാന് തീരുമാനിച്ചത്.
നിലവില് സിപിഐ സംസ്ഥാന കൗണ്സില് അംഗമാണ് ആര് ലതാദേവി. കടയ്ക്കലില് സിപിഐ മണ്ഡലം സെക്രട്ടറിയുടെ ചുമതലയും ലതാദേവിയാണ് നിര്വഹിക്കുന്നത്. ചടയമംഗലം മുന് എംഎല്എയായ ലതാദേവി, ഭക്ഷ്യമന്ത്രി ജി ആര് അനിലിന്റെ ഭാര്യയാണ്. കൊല്ലം ജില്ലാ പഞ്ചായത്തിലെ സിപിഐ സ്ഥാനാര്ത്ഥി പട്ടികയില് പാര്ട്ടിയിലെ ഏറ്റവും ഉയര്ന്ന ഘടകത്തില് നിന്നുള്ള നേതാവാണ് ലതാദേവി.
കൊല്ലം ജില്ലാ പഞ്ചായത്ത് പ്രസിഡന്റ് സ്ഥാനം ഇത്തവണ വനിതയ്ക്കാണ്. ലതാദേവി വിജയിക്കുകയും ഭരണം എല്ഡിഎഫിന് ലഭിക്കുകയും ചെയ്താല് ലതാദേവി ആദ്യ രണ്ടര വര്ഷം ജില്ലാ പഞ്ചായത്ത് പ്രസിഡന്റാകും. ആറന്മുള മുന് എംഎല്എ കെ സി രാജഗോപാല് മെഴുവേലി ഗ്രാമ പഞ്ചായത്തിലേക്ക് സിപിഎം സ്ഥാനാര്ത്ഥിയായി മത്സരിക്കുന്നുണ്ട്.
