ദേവസ്വം റെസ്റ്റ് ഹൗസുകളുടെ മുറികള് മുന്കൂര് ബുക്കിങ്ങിന് വ്യാജ വെബ് സൈറ്റുകള്; പൊലീസില് പരാതി നല്കി ഗുരുവായൂര് ദേവസ്വം
മണ്ഡല- മകര വിളക്ക് തീര്ഥാടനം; ശബരിമല നട ഇന്ന് വൈകീട്ട് തുറക്കും
November 16, 2025
കോഴിക്കോട് പൊള്ളിച്ച അയക്കൂറയും ചിക്കനും കിട്ടാത്തതിന് ഹോട്ടല് അടിച്ചു തകര്ത്തു
November 16, 2025
തൃശൂർ : ഗുരുവായൂര് ദേവസ്വം പാഞ്ചജന്യം ,കൗസ്തുഭം റെസ്റ്റ് ഹൗസുകളില് മുറികള് ബുക്ക് ചെയ്ത് നല്കാമെന്ന് വാഗ്ദാനം ചെയ്ത് ഭക്തരില് നിന്ന് പണം തട്ടിയെടുക്കാന് വ്യാജ വെബ് സൈറ്റുകള്. ഇതുമായി ബന്ധപ്പെട്ട് പരാതികള് ലഭിച്ചതിനെ തുടര്ന്ന് ഗുരുവായൂര് ദേവസ്വം അഡ്മിനിസ്ട്രേറ്റര് വ്യാജ വെബ് സൈറ്റുകള്ക്കെതിരെ പൊലീസില് പരാതി നല്കി. ഏകാദശിയോടനുബന്ധിച്ച് ഗുരുവായൂരില് ഈ ദിവസങ്ങളില് വലിയ തിരക്കാണ് അനുഭവപ്പെടുന്നത്.
ഗുരുവായൂര് ദേവസ്വം റെസ്റ്റ് ഹൗസുകളില് ഭക്തര്ക്ക് റൂം ബുക്ക് ചെയ്യാന് www.guruvayurdevaswom.in എന്ന ദേവസ്വം ഔദ്യോഗിക വെബ് സെറ്റ് വഴി സാധ്യമാണ്. മറ്റ് സ്വകാര്യ വെബ്സൈറ്റുകളില് നിന്ന് ഈ സേവനം ലഭ്യമല്ല. ദേവസ്വം റെസ്റ്റ് ഹൗസുകളില് മുറികള് മുന്കൂര് ബുക്ക് ചെയ്ത് നല്കാമെന്ന വ്യാജ വാഗ്ദാനങ്ങളില് വീഴരുതെന്ന് ദേവസ്വം ബോര്ഡ് അറിയിച്ചു.
തട്ടിപ്പ് സംഘങ്ങളുടെ പ്രവര്ത്തനങ്ങളെക്കുറിച്ച് ഭക്തര് ജാഗ്രത പാലിക്കണമെന്നും ദേവസ്വം അറിയിച്ചു. ഗുരുവായൂര് ദേവസ്വം റൂം ബുക്കിങ്ങിനെക്കുറിച്ച് കൂടുതല് അറിയാന് 0487-2556335 എന്ന നമ്പറില് ഭക്തര്ക്ക് ബന്ധപ്പെടാവുന്നതാണ്.
