സര്ക്കാര്, സ്വകാര്യമേഖല വനിതാ ജീവനക്കാര്ക്ക് ആര്ത്തവ അവധി അനുവദിച്ച് കര്ണാടക സര്ക്കാര്
പിഎം ശ്രീ അടഞ്ഞ അധ്യായമല്ല; ആര്എസ്എസിനെ പ്രതിരോധിക്കാന് തങ്ങള് മാത്രമേ ഉള്ളൂവെന്ന് വരുത്തുവാനാണ് ചിലരുടെ ശ്രമം : വി ശിവന്കുട്ടി
November 13, 2025
ബസ്സിന്റെ ടയര് പൊട്ടി ഉഗ്രശബ്ദം; സ്ഫോടനമെന്ന് ഭയന്ന് ഡല്ഹി നിവാസികള്
November 13, 2025
ബംഗളൂരു : വനിതാ ജീവനക്കാര്ക്ക് മാസത്തില് ഒരുദിവസം ആര്ത്തവ അവധി അനുവദിച്ച് കര്ണാടക സര്ക്കാര് ഉത്തരവ് പുറപ്പെടുവിച്ചു. സര്ക്കാര് ജീവനക്കാര്ക്കും സ്വകാര്യമേഖലയില് പ്രവര്ത്തിക്കുന്നവര്ക്കും അവധി ലഭിക്കും. സ്ഥിരം ജീവനക്കാര്ക്കൊപ്പം കരാര്, പുറംകരാര് (ബിപിഒ) ജീവനക്കാര്ക്കും അവധിനല്കണം
18 മുതല് 52 വയസ്സുവരെ പ്രായമുള്ളവര്ക്കാണ് ആര്ത്തവ അവധി അനുവദിക്കുന്നത്. അതത് മാസത്തില്ത്തന്നെ അവധിയെടുക്കണം. അടുത്തമാസങ്ങളിലേക്ക് നീട്ടാന് സാധിക്കില്ല. മെഡിക്കല് സര്ട്ടിഫിക്കറ്റോ മറ്റ് രേഖകളോ ആവശ്യപ്പെടാതെതന്നെ അവധി അനുവദിക്കണമെന്നും ഉത്തരവില് പറയുന്നു.
പുതിയ ഉത്തരവ് പ്രകാരം വനിതാ ജീവനക്കാര്ക്ക് വര്ഷം 12 അവധി അധികമായി ലഭിക്കും. തൊഴില്വകുപ്പ് തയ്യാറാക്കിയ ആര്ത്തവ അവധി നയത്തിന് കഴിഞ്ഞമാസമാണ് മന്ത്രിസഭ അംഗീകാരം നല്കിയത്. എല്ലാമേഖലയിലും പ്രവര്ത്തിക്കുന്ന സ്ത്രീകള്ക്ക് ആര്ത്തവ അവധി അനുവദിക്കുന്ന ആദ്യസംസ്ഥാനമാണ് കര്ണാടക. ബിഹാര്, ഒഡിഷ സംസ്ഥാനങ്ങളില് സ്ത്രീകള്ക്ക് മാസത്തില് ഒരിക്കല് ആര്ത്തവ അവധിയുണ്ടെങ്കിലും സര്ക്കാര് ജീവനക്കാര്ക്ക് മാത്രമാണ് ബാധകം.
