മഞ്ഞുമ്മല് ബോയ്സിലെ സുഭാഷ് ചന്ദ്രന് ഏലൂര് നഗരസഭയിലെ കോണ്ഗ്രസ് സ്ഥാനാര്ഥിപ്പട്ടികയില്
ഡൽഹി സ്ഫോടനത്തിനു പിന്നിൽ ജെയ്ഷെ മുഹമ്മദാണെന്നു സൂചന
November 11, 2025
മാലിയിൽ ഇന്ത്യൻ സഹായത്തോടെ പണിത അന്താരാഷ്ട്ര വിമാനത്താവളം പ്രസിഡന്റ് മുഹമ്മദ് മുയിസു ഉദ്ഘാടനം ചെയ്തു
November 11, 2025
കൊച്ചി : യഥാര്ഥ ‘മഞ്ഞുമ്മല് ബോയ്സിലെ സുഭാഷ് ചന്ദ്രന് കോണ്ഗ്രസ് സ്ഥാനാര്ഥിപ്പട്ടികയില്. ഏലൂര് നഗരസഭയിലെ 27-ാം വാര്ഡിലാണ് (മാടപ്പാട്ട്) യുഡിഎഫ് സ്ഥാനാര്ഥിയായി സുഭാഷിനെ പരിഗണിച്ചിരിക്കുന്നത്. 2006 സെപ്റ്റംബറില് മഞ്ഞുമ്മലില്നിന്നു കൊടൈക്കനാലിലേക്കു ടൂര്പോയ പത്തംഗ സംഘത്തിലെ അംഗമായിരുന്നു സുഭാഷ്.
ഗുണ പോയിന്റില് 600 അടി യോളം താഴ്ചയുള്ള കൊക്കയില് വീണ സുഭാഷ് 87 അടിയോളം താഴ്ചയില് തങ്ങിനില് ക്കുകയായിരുന്നു. അതിസാഹസികമായി കൊക്കയില് ഇറങ്ങി സുഭാഷിനെ സുഹൃത്തുക്കളുടെ സഹായത്തോടെ രക്ഷപ്പെടുത്തിയതു കൂട്ടുകാരനായ വേലശേരി സിജു ഡേവിഡ് (കുട്ടന്) ആണ്. ഇവരുടെ അതിജീവന അനുഭവമാണ് 2024ല് സംവിധായകന് ചിദംബരം സിനിമയാക്കിയ മഞ്ഞുമ്മല് ബോയ്സ്’.
സിനിമയില് സുഭാഷിന്റെ കഥാപാത്രത്തെ ശ്രീനാഥ് ഭാസിയും സിജുവിന്റേതു സൗബിനുമാണ് അവതരിപ്പിച്ചത്. ജീവിതത്തിലേക്ക് അവിശ്വസനീയമായ വിധത്തില് തിരികെയെത്തിയ സുഭാഷ് ത്രികോണ മത്സരത്തില്, കന്നി അങ്കത്തില് അവിശ്വസനീയമായ വിജയം യുഡിഎഫിനു സമ്മാനിക്കുമെന്ന ദൃഢനിശ്ചയത്തിലാണ്.
