ഇന്സ്റ്റഗ്രാമില് ചീത്ത വിളിച്ചു; തൃശൂരിൽ വിദ്യാര്ഥിക്ക് ആള്ക്കൂട്ടമര്ദ്ദനം
പ്ലസ് വണ്, പ്ലസ്ടു വിദ്യാര്ഥികള്ക്ക് എച്ച്പിവി വാക്സിനേഷന് നാളെ മുതല്
November 2, 2025
ചേര്ത്തലയില് 44 മാസത്തെ ആശ്രയ ഭക്ഷ്യക്കിറ്റ് കൂപ്പണ് തട്ടിയെടുത്ത് കോണ്ഗ്രസ് കൗണ്സിലര്
November 2, 2025
തൃശൂര് : ഇന്സ്റ്റഗ്രാമില് ചീത്ത വിളിച്ചെന്ന് ആരോപിച്ച് ദേശമംഗലത്ത് വിദ്യാര്ഥിക്ക് നേരെ ആള്ക്കൂട്ടമര്ദ്ദനം. ദേശമംഗലം സ്വദേശി 19 വയസ്സുള്ള ജസീമിനെയാണ് ആള്ക്കൂട്ടം പിന്തുടര്ന്ന് ക്രൂരമായി മര്ദ്ദിച്ചത്.
വ്യാഴാഴ്ച ദേശമംഗലം പഞ്ചായത്തിന്റെ സമീപത്തുള്ള റോഡിലൂടെ നടന്നുവരികയായിരുന്നു ജസീം. ഈ സമയം സംഘം ചേര്ന്ന് 19കാരന്റെ മുഖത്തും ശരീരത്തിലും ക്രൂരമായി മര്ദ്ദിക്കുന്ന ദൃശ്യങ്ങള് പുറത്തുവന്നിട്ടുണ്ട്. സംഘം ചവിട്ടുന്നതും 19കാരന് റോഡിലേക്കും വീഴുന്നതും ദൃശ്യങ്ങളിലുണ്ട്.
മര്ദ്ദനത്തില് പരിക്കേറ്റ ജസീം സ്വകാര്യ ആശുപത്രിയിലും തുടര്ന്ന് തൃശ്ശൂര് മെഡിക്കല് കോളജിലും ചികിത്സ തേടി. മുഖ്യമന്ത്രിയുടെ ദുരിതാശ്വാസ നിധി വിനിയോഗത്തെക്കുറിച്ചുള്ള ആക്ഷേപമാണ് മര്ദ്ദനത്തിനു കാരണമെന്നാണ് പറയുന്നത്.പള്ളം സ്വദേശികളായ യുവാക്കളാണ് മര്ദ്ദിച്ചത്. പതിമൂന്ന് പേര്ക്കെതിരേ ചെറുതുരുത്തി പൊലീസ് കേസെടുത്തിട്ടുണ്ട്.
