കൊച്ചിലെ എസ്സന്സ് ഗ്ലോബല് ലിറ്റ്മസ് 25 പരിപാടിക്ക് സുരക്ഷാ ഭീഷണി; പരിപാടി നിര്ത്തിവെച്ചു
പ്രൊഫ. ടി ജെ ചന്ദ്രചൂഡന് പുരസ്കാരം ജി സുധാകരന്
October 19, 2025
ശബരിമല സ്വർണക്കൊള്ള : ശ്രീകോവിലിന്റെ പുതിയ വാതിൽ ബംഗളൂരുവിൽ പൂജിച്ച ദൃശ്യങ്ങൾ പുറത്ത്
October 19, 2025
കൊച്ചി : നിരീശ്വര വാദികളുടെ കൂട്ടായ്മ സംഘടിച്ചിച്ച പരിപാടിയില് സുരക്ഷാ ഭീഷണി. ഇതേത്തുടര്ന്ന് പരിപാടി നിര്ത്തിവെച്ചു. കടവന്ത്ര രാജീവ് ഗാന്ധി ഇന്ഡോര് സ്റ്റേഡിയത്തില്, എസ്സന്സ് ഗ്ലോബല് സംഘടന ലിറ്റ്മസ് 25 എന്ന പേരില് സംഘടിപ്പിച്ച സമ്മേളനത്തിനാണ് സുരക്ഷാ ഭീഷണിയുണ്ടായത്.
രാവിലെ 11 മണിയോടെ പൊലീസ് എത്തി സമ്മേളനം നിര്ത്തിവെപ്പിക്കുകയും, പരിശോധന നടത്തുകയുമായിരുന്നു. രവിചന്ദ്രനും ശ്രീജിത്ത് പണിക്കറും തമ്മിലുള്ള സംവാദം നടക്കുന്നതിനിടെയാണ് പരിപാടി നിര്ത്തിയത്. ആയിരക്കണക്കിന് ആളുകളാണ് പരിപാടിയില് പങ്കെടുക്കാനെത്തിയിരുന്നത്.
പരിപാടിയിലേക്ക് ഒരാള് തോക്കുമായി അകത്തു കടന്നുവെന്നും പൊലീസിന് വിവരം ലഭിച്ചതായി റിപ്പോര്ട്ടുണ്ട്. ഇയാളെ പൊലീസ് കസ്റ്റഡിയിലെടുത്തതായാണ് സൂചന. തുടര്ന്ന് ഡോഗ് സ്ക്വാഡും ബോംബ് സ്ക്വാഡും സ്റ്റേഡിയത്തിന് അകത്ത് പരിശോധന നടത്തി. ഉച്ചയ്ക്ക് ശേഷം പരിപാടിയില് തസ്ലീമ നസ്റീന് പങ്കെടുക്കാനിരുന്നതാണ്.
