പാലിയേക്കരയിലെ ടോള് വിലക്ക് ഉത്തരവ് വെള്ളിയാഴ്ച : ഹൈക്കോടതി
ഈ മാസം 13 മുതല് 19 വരെ എയര്ഹോണ് പിടിച്ചെടുക്കുന്നതിനായി സ്പെഷ്യല് ഡ്രൈവ് : ഗതാഗത മന്ത്രി
October 14, 2025
യൂത്ത് കോണ്ഗ്രസ് ദേശീയ സെക്രട്ടറിയാവാനില്ല; അധ്യക്ഷ നിയമനത്തില് അതൃപ്തി പരസ്യമാക്കി അബിന് വര്ക്കി
October 14, 2025
കൊച്ചി : ഇടപ്പള്ളി-മണ്ണുത്തി ദേശീയപാതയില് പാലിയേക്കരയിലെ ടോള് പിരിവ് വിലക്കികൊണ്ടുള്ള ഹൈക്കോടതി ഉത്തരവ് തുടരും. ടോള് പിരിവ് പുനരാരംഭിക്കുന്നതില് വെള്ളിയാഴ്ച ഉത്തരവിറക്കാമെന്ന് ഹൈക്കോടതി വ്യക്തമാക്കി.
ടോള് പിരിവ് താല്ക്കാലികമായി നിര്ത്തിവെച്ചുകൊണ്ടുള്ള ഹൈക്കോടതി ഉത്തരവ് പുനഃപരിശോധിക്കണമെന്നാവശ്യപ്പെട്ടുള്ള ദേശീയ പാത അതോറിറ്റിയുടെ ഹര്ജി പരിഗണിക്കുകയായിരുന്നു കോടതി. ജില്ലാ കലക്ടറോട് നിലവിലെ റോഡിന്റെ അവസ്ഥയെക്കുറിച്ച് കോടതി വിവരം തേടി. 60 കിലോമീറ്റര് ടോള് പിരിക്കുന്ന ദൂരത്തില് മൂന്നോ നാലോ ഇടങ്ങളില് മാത്രമാണ് പ്രശ്നമെന്നാണ് എജി ഹൈക്കോടതിയെ അറിയിച്ചത്. നിലവിലെ റോഡിന്റെ അവസ്ഥയെക്കുറിച്ച് തൃശൂര് ജില്ലാ കലക്ടറോട് നിലവിലെ റോഡിന്റെ അവസ്ഥയെക്കുറിച്ച് കോടതി വിവരം തേടി.
അഞ്ചു കിലോമീറ്റര് ദൂരത്തിലാണ് പ്രശ്നമെന്ന് കലക്ടര് മറുപടി നല്കി. ഈ റോഡിലൂടെ സഞ്ചരിച്ചാല് പ്രശ്നങ്ങള് മനസിലാകുമെന്നും ഇവിടെ ഇരിക്കുന്ന എല്ലാവര്ക്കും അത് വ്യക്തമായി അറിയാമെന്നും ഹൈക്കോടതി എജിക്ക് മറുപടി നല്കി. ദേശീയപാത അതോറിറ്റി മനപ്പൂര്വം റോഡ് നന്നാക്കാതിരിക്കുന്നതല്ലെന്ന് എജി വാദിച്ചു. ഇന്ന് തന്നെ സ്ഥലം സന്ദര്ശിച്ച് പരിശോധിക്കാന് കോടതി കലക്ടറോട് നിര്ദേശം നല്കി. സുഗമമായ ഗതാഗതം ഉറപ്പാക്കിയശേഷമേ ടോള് പിരിക്കാവുവെന്ന സുപ്രീംകോടതി ഉത്തരവും ഹൈക്കോടതി ചൂണ്ടികാട്ടി.
