ശബരിമല അന്വേഷണ സംഘത്തിലെ രണ്ടു പേരെ മാറ്റണം : കെ പി ശശികല
എം പരിവാഹന്റെ പേരില് വ്യാജ സന്ദേശം; കൊച്ചിയില് വയോധിക ദമ്പതികള്ക്ക് നഷ്ടമായത് 10.54 ലക്ഷം രൂപ
October 7, 2025
കൊല്ലത്ത് ലഹരി സംഘങ്ങള് തമ്മിലുണ്ടായ ഏറ്റുമുട്ടലില് യുവാവ് മരിച്ചു
October 7, 2025
തിരുവനന്തപുരം : ശബരിമല സ്വര്ണ്ണക്കവര്ച്ചയെപ്പറ്റി അന്വേഷിക്കാന് ഹൈക്കോടതി നിയോഗിച്ച പ്രത്യേക അന്വേഷണ സംഘത്തിലെ രണ്ട് ഉദ്യോഗസ്ഥരെ മാറ്റണമെന്ന് ഹിന്ദു ഐക്യവേദി സംസ്ഥാന പ്രസിഡന്റ് കെ പി ശശികല. പ്രത്യേക അന്വേഷണ ടീമിലുള്ള അനീഷും ബിജു രാധാകൃഷ്ണനും നേരത്തെ തിരുവിതാംകൂര് ദേവസ്വം വിജിലന്സ് ഉദ്യോഗസ്ഥരായിരുന്നു. ഹൈക്കോടതി ദേവസ്വം ബെഞ്ചിന് അന്വേഷണ ഉദ്യോഗസ്ഥരുടെ പട്ടിക കൈമാറിയവര് മന:പൂര്വം ഇത് മറച്ചുവെച്ചതാകാം- ശശികല ഫെയ്സ്ബുക്കില് കുറിച്ചു.
എന്തിനെപ്പറ്റിയാണോ അന്വേഷിക്കുന്നത്, അതിനാധാരമായ ക്രമക്കേടുകള് അരങ്ങേറിയ കാലഘട്ടത്തില് വിജിലന്സ് ഉദ്യോഗസ്ഥരായവരെ തന്നെ അന്വേഷണ സംഘത്തില് ഉള്പ്പെടുത്തിയത് അന്വേഷണം അട്ടിമറിക്കാനാണോയെന്ന് സംശയിക്കുന്നു. പ്രതിസ്ഥാനത്ത് നില്ക്കുന്ന ഉന്നതരെ കേസില് നിന്നും ഊരിയെടുക്കാനുള്ള ശ്രമത്തിന്റെ ഭാഗമായിട്ടേ അനീഷിനെയും ബിജുവിനെയും അന്വേഷണ സംഘത്തില് ഉള്പ്പെടുത്തിയതിനെ കാണാനാവൂ.
ഹൈക്കോടതി സുതാര്യവും സത്യസന്ധവുമായ അന്വേഷണമാണ് ഉദ്ദേശിക്കുന്നതെങ്കില് ഈ രണ്ട് പേരെയും സ്പെഷല് ഇന്വെസ്റ്റിഗേഷന് ടീമില് നിന്നും അടിയന്തരമായും മാറ്റണമെന്ന് ശശികല ആവശ്യപ്പെട്ടു. അനില് നമ്പ്യാര്ക്ക് കടപ്പാടോടെയാണ് ശശികലയുടെ കുറിപ്പ്. അന്വേഷണ സംഘത്തെ നിയോഗിച്ചുകൊണ്ടുള്ള ഹൈക്കോടതി വിധിയുടെ കോപ്പിയും ഫെയ്സ്ബുക്കില് പങ്കുവെച്ചിട്ടുണ്ട്.
ശശികലയുടെ ഫെയ്സ്ബുക്ക് കുറിപ്പിന്റെ പൂര്ണരൂപം :-
ശബരിമല സ്വര്ണ്ണക്കവര്ച്ചയെ പറ്റി അന്വേഷിക്കാന് ഹൈക്കോടതി നിയോഗിച്ച സ്പെഷല് ഇന്വെസ്റ്റിഗേഷന് ടീമിലുള്ള
അനീഷും ബിജുരാധാകൃഷ്ണനും നേരത്തെ തിരുവിതാംകൂര് ദേവസ്വം വിജിലന്സ് ഉദ്യോഗസ്ഥരായിരുന്നു.
എന്തിനെപ്പറ്റിയാണോ ടീം അന്വേഷിക്കുന്നത്
അതിനാധാരമായ ക്രമക്കേടുകള് അരങ്ങേറിയ കാലഘട്ടത്തില് വിജിലന്സ്
ഉദ്യോഗസ്ഥരായവരെ തന്നെ അന്വേഷണ സംഘത്തില് ഉള്പ്പെടുത്തിയത് അന്വേഷണം അട്ടിമറിക്കാനാണോയെന്ന്
സംശയിക്കുന്നു.
ഹൈക്കോടതി ദേവസ്വം ബെഞ്ചിന് അന്വേഷണ ഉദ്യോഗസ്ഥരുടെ പട്ടിക കൈമാറിയവര് മന:പൂര്വം ഇത് മറച്ചുവെച്ചതാകാം.
പ്രതിസ്ഥാനത്ത് നില്ക്കുന്ന ഉന്നതരെ കേസില് നിന്നും ഊരിയെടുക്കാനുള്ള ശ്രമത്തിന്റെ ഭാഗമായിട്ടേ അനീഷിനെയും
ബിജുവിനെയും അന്വേഷണസംഘത്തില്
ഉള്പ്പെടുത്തിയതിനെ കാണാനാവൂ.
ഹൈക്കോടതി സുതാര്യവും സത്യസന്ധവുമായ അന്വേഷണമാണ് ഉദ്ദേശിക്കുന്നതെങ്കില് ഈ രണ്ട് പേരെയും
സ്പെഷല് ഇന്വെസ്റ്റിഗേഷന് ടീമില് നിന്നും അടിയന്തരമായും മാറ്റണമെന്ന്
അപേക്ഷിക്കുന്നു
കടപ്പാട്
അനില് നമ്പ്യാര്
