വാണിജ്യ ആവശ്യങ്ങള്ക്കുള്ള പാചക വാതക സിലിണ്ടറിന്റെ വില വര്ധിപ്പിച്ചു
വന് ലഹരി കടത്തു സംഘം തിരുവനന്തപുരത്ത് പിടിയിലായിൽ
October 1, 2025
കൊല്ലത്ത് കോടികളുടെ വിസ തട്ടിപ്പ് നടത്തിയ ഡോക്ടർ പിടിയിൽ
October 1, 2025
ന്യൂഡല്ഹി : വാണിജ്യ ആവശ്യങ്ങള്ക്കുള്ള പാചക വാതക സിലിണ്ടറിന്റെ വില വര്ധിപ്പിച്ചു. ഒക്ടോബര് ഒന്നുമുതല് 19 കിലോ സിലിണ്ടറിന്റെ വിലയില് 15 രൂപയുടെ വര്ധനയാണ് എണ്ണ വിതരണ കമ്പനികള് വരുത്തിയത്. എന്നിരുന്നാലും 14 കിലോഗ്രാം ഗാര്ഹിക സിലിണ്ടറിന്റെ വിലയില് മാറ്റമില്ല.
നാലുതവണ കുറച്ച ശേഷം ആദ്യമായാണ് വാണിജ്യ സിലിണ്ടറിന്റെ വിലയില് വര്ധന ഉണ്ടായത്. കഴിഞ്ഞമാസം വാണിജ്യ സിലിണ്ടറിന്റെ വില 51.50 രൂപയാണ് കുറച്ചത്. ഏപ്രില് മുതല് ജൂലൈ വരെ, 19 കിലോഗ്രാം എല്പിജി വിലയില് ഡല്ഹിയില് 138 രൂപയും കൊല്ക്കത്തയില് 144 രൂപയും മുംബൈയില് 139 രൂപയും ചെന്നൈയില് 141.5 രൂപയുമാണ് മൊത്തത്തില് കുറച്ചത്.
നിലവില് കൊല്ക്കത്തയില് 19 കിലോഗ്രാം വാണിജ്യ സിലിണ്ടറിന്റെ വില 1700 രൂപയാണ്. ഡല്ഹി 1595, മുംബൈ 1547, ചെന്നൈ 1754 എന്നിങ്ങനെയാണ് പുതുക്കിയ വില. ഏപ്രിലില് 50 രൂപ വര്ധിപ്പിച്ച ശേഷം 14.2 കിലോഗ്രാം ഗാര്ഹിക സിലിണ്ടറിന്റെ വില മാറ്റമില്ലാതെ തുടരുകയാണ്.
