ഹൈദരാബാദിൽ ജന്മാഷ്ടമി ആഘോഷയ്ക്കിടെ രഥം ഹൈടെന്ഷന് ലൈനില് തട്ടി വൈദ്യുതാഘാതമേറ്റ് അഞ്ചുപേര് മരിച്ചു
കത്ത് ചോര്ച്ച വിവാദം; അസംബന്ധങ്ങളോട് പ്രതികരിക്കാനില്ല, കേസ് പിന്നീട് കൊടുക്കാം : എംവി ഗോവിന്ദന്
August 18, 2025
പാലക്കാട് സ്കൂട്ടറിൽ നിന്നും വീണ രണ്ടാം ക്ലാസുകാരിയുടെ ശരീരത്തിലൂടെ ബസ് കയറി ഇറങ്ങി മരിച്ചു
August 18, 2025
ഹൈദരാബാദ് : രമന്ദപൂരില് ശ്രീകൃഷ്ണ ജന്മാഷ്ടമി രഥഘോഷയ്ക്കിടെ വൈദ്യുതാഘാതമേറ്റ് അഞ്ചുപേര് മരിച്ചു. രഥം വലിക്കുന്ന വാഹനം തകരാറിലായപ്പോള് യുവാക്കള് അത് സ്വമേധയാ നീക്കാന് ശ്രമിച്ചു. അതിനിടെ രഥം മുകളിലൂടെ പോകുന്ന ഹൈടെന്ഷന് ലൈനില് തട്ടുകയായിരുന്നു.
ഗോകുലേനഗറില് ഞായറാഴ്ച അര്ദ്ധരാത്രിയാണ് സംഭവം. രഥം വൈദ്യുതി ലൈനില് തട്ടി ഒമ്പത് പേര്ക്കാണ് വൈദ്യുതാഘാതമേറ്റത്. നാട്ടുകാര് ഉടന് തന്നെ വൈദ്യുതാഘാതമേറ്റ എല്ലാവരെയും ആശുപത്രിയില് എത്തിച്ചെങ്കിലും അഞ്ചുപേര് മരിച്ചതായി ഡോക്ടര്മാര് സ്ഥിരീകരിച്ചു. കൃഷ്ണ യാദവ് (21), സുരേഷ് യാദവ് (34), ശ്രീകാന്ത് റെഡ്ഡി (35), രുദ്ര വികാസ് (39), രാജേന്ദ്ര റെഡ്ഡി (15) എന്നിവരാണ് മരിച്ചത്. ഇവരുടെ മൃതദേഹങ്ങള് പോസ്റ്റ്മോര്ട്ടത്തിനായി ഗാന്ധി ആശുപത്രിയിലേക്ക് മാറ്റി.
മറ്റു നാലുപേര് സ്വകാര്യ ആശുപത്രിയില് ചികിത്സയിലാണ്. പരിക്കേറ്റവരില് കേന്ദ്രമന്ത്രി കിഷന് റെഡ്ഡിയുടെ അനുയായിയായും ഉള്പ്പെടുന്നു.
