സംസ്ഥാനത്ത് അടുത്ത ഏഴു ദിവസം ഒറ്റപ്പെട്ട ശക്തമായ മഴയ്ക്ക് സാധ്യത; രണ്ട് ജില്ലകളില് യെല്ലോ അലര്ട്ട്
ആധാര് പൗരത്വത്തിനുള്ള നിര്ണായക തെളിവായി കണക്കാക്കാനാകില്ല : സുപ്രീം കോടതി
August 12, 2025
വിവാദങ്ങള്ക്കിടെ സുരേഷ് ഗോപി തൃശൂരിലേക്ക്
August 13, 2025
തിരുവനന്തപുരം : ബംഗാള് ഉള്ക്കടലില് ഇന്ന് വീണ്ടും ന്യൂനമര്ദ്ദം രൂപപ്പെടാന് സാധ്യത. ഇതിന്റെ സ്വാധീനഫലമായി കേരളത്തില് അടുത്ത ഏഴു ദിവസം നേരിയ/ ഇടത്തരം മഴയ്ക്കും 13, 17,18 തീയതികളില് ഒറ്റപ്പെട്ട ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
മധ്യ ബംഗാള് ഉള്ക്കടലിന് മുകളില് ഉയര്ന്ന ലെവലില് ചക്രവാത ചുഴി നിലനില്ക്കുന്നുണ്ട്. നാളെയോടെ ഇത് മധ്യ പടിഞ്ഞാറന് ബംഗാള് ഉള്ക്കടലിനും വടക്ക് പടിഞ്ഞാറന് ബംഗാള് ഉള്ക്കടലിനും മുകളിലായി ന്യൂനമര്ദ്ദമായി ശക്തി പ്രാപിക്കാന് സാധ്യതയുണ്ടെന്നാണ് കാലാവസ്ഥ വകുപ്പിന്റെ കണക്കുകൂട്ടല്. തുടര്ന്നുള്ള 48 മണിക്കൂറില് വീണ്ടും ശക്തി പ്രാപിക്കാനും സാധ്യതയുണ്ട്. ഇതിന്റെ സ്വാധീനഫലമായി വരുംദിവസങ്ങളില് കാലവര്ഷം സജീവമാകുമെന്നും മുന്നറിയിപ്പില് പറയുന്നു.
ബുധനാഴ്ച കണ്ണൂര്, കാസര്കോട് ജില്ലകളില് ജാഗ്രതയുടെ ഭാഗമായി യെല്ലോ അലര്ട്ട് പ്രഖ്യാപിച്ചു. 24 മണിക്കൂറില് 64.5 mm മുതല് 115.5 mm വരെ മഴ ലഭിക്കുമെന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്. അതേസമയം കേരള – കര്ണാടക – ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ലെന്നും കേന്ദ്ര കാലാവസ്ഥ വകുപ്പ് അറിയിച്ചു.
