നിലമ്പൂര്-കോട്ടയം, നാഗര്കോവില്-കോട്ടയം എക്സ്പ്രസുകളില് കൂടുതല് കോച്ചുകള് അനുവദിച്ച് റെയില്വേ
ഓണ്ലൈന് മദ്യ വില്പന; ബെവ്കോ ആപ്പ് 10 ദിവസത്തിനകം : ബെവ്കോ എംഡി
August 11, 2025
വോട്ട് ചോരി മാര്ച്ചിനിടെ മഹുവ മൊയ്ത്ര കുഴഞ്ഞു വീണു; മറ്റ് എംപിമാര്ക്കും ദേഹാസ്വാസ്ഥ്യം
August 11, 2025
തിരുവനന്തപുരം : നിലമ്പൂര്-കോട്ടയം, നാഗര്കോവില്-കോട്ടയം എക്സ്പ്രസുകളില് 2 സെക്കന്ഡ് സിറ്റിങ് കോച്ചുകള് കൂടി അനുവദിച്ചു. കോട്ടയം-കൊല്ലം പാസഞ്ചര്, കൊല്ലം-ആലപ്പുഴ പാസഞ്ചര്, ആലപ്പുഴ-കൊല്ലം പാസഞ്ചര്, കൊല്ലം-തിരുവനന്തപുരം പാസഞ്ചര്, തിരുവനന്തപുരം-നാഗര്കോവില് പാസഞ്ചര് എന്നിവയിലും കുടുതല് കോച്ചുകള് അനുവദിക്കും.
നാഗര്കോവില്-കോട്ടയം എക്സ്പ്രസില് 15 മുതലും കോട്ടയം-നിലമ്പൂര്, നിലമ്പൂര്-കോട്ടയം എക്സ്പ്രസുകളില് 16 മുതലും മറ്റു ട്രെയിനുകളില് 17 മുതലും അധിക കോച്ചുകള് ഉണ്ടായിരിക്കും. ഷൊര്ണൂര്-നിലമ്പൂര് പാതയിലെ തിരക്ക് പരിഗണിച്ച് ട്രെയിനില് 2 റിസര്വ്ഡ് സെക്കന്ഡ് സിറ്റിങ് കോച്ചുകള് അനുവദിക്കണമെന്ന് ആവശ്യപ്പെട്ട് എംപിമാരായ പ്രിയങ്ക ഗാന്ധി, ഇടി മുഹമ്മദ് ബഷീര്, ഹാരിസ് ബീരാന്, പിവി അബ്ദുള് വഹാബ്, കൊടിക്കുന്നില് സുരേഷ് എന്നിവര് റെയില്വേ മന്ത്രിക്കു കത്തു നല്കിയിരുന്നു.
