ഗ്രീന് ഹൈഡ്രജന് സ്റ്റേഷൻ സ്വന്തമായുള്ള ലോകത്തെ ആദ്യ വിമാനത്താവളമാക്കാൻ ഒരുങ്ങി സിയാല്
വിദ്യാര്ത്ഥി യാത്രാനിരക്ക് : സ്വകാര്യ ബസുടമകള് ഗതാഗത മന്ത്രിയുമായി ഇന്ന് ചര്ച്ച
August 6, 2025
വയനാട്ടിലെ സിപിഐഎം വിഭാഗീയത; എവി ജയനെ ബ്രാഞ്ചിലേക്ക് തരംതാഴ്ത്തി
August 6, 2025
കൊച്ചി : കൊച്ചി അന്താരാഷ്ട്ര വിമാനത്താവള കമ്പനിയുടെ ഉടമസ്ഥതയില് നെടുമ്പാശ്ശേരിയില് ഹൈഡ്രജന് സ്റ്റേഷന്. ഇതോടെ സ്വന്തമായി ഗ്രീന് ഹൈഡ്രജന് സ്റ്റേഷനുള്ള ലോകത്തെ ആദ്യ വിമാനത്താവളമായി സിയാല് മാറുകയാണ്. കേന്ദ്ര പെട്രോളിയം വകുപ്പിന്റെ അന്തിമാനുമതി കൂടി ലഭിച്ചാല് സ്റ്റേഷന് പ്രവര്ത്തനമാരംഭിക്കും.
ദക്ഷിണേന്ത്യയിലെ ആദ്യ ഗ്രീന്ഹൈഡ്രജന് സ്റ്റേഷനാണ് ഇത്. 30 കോടി രൂപ മുടക്കിയാണ് സിയാല് ഹൈഡ്രജന് സ്റ്റേഷന് നിര്മിച്ചിരിക്കുന്നത്. ഭാരത് പെട്രോളിയം കോര്പ്പറേഷനാണ് സാങ്കേതിക പങ്കാളി. ഹൈഡ്രജന്ഇന്ധനത്തിന്റെ ഉത്പാദനവും വിപണനവും ഇവിടെയുണ്ടാകും. ഹൈഡ്രജന് ഉത്പാദന ചുമതല ബിപിസിഎല്ലിനാണ്. പ്രതിദിനം 220 കിലോഗ്രാം ഗ്രീന് ഹൈഡ്രജന് ഉത്പാദിപ്പിക്കാനാണ് ലക്ഷ്യമിടുന്നത്.
ആദ്യഘട്ടത്തില് വിമാനത്താവളത്തിനകത്ത് ഉപയോഗിക്കുന്ന ബസുകളിലാണ് ഹൈഡ്രജന് ഇന്ധനം ഉപയോഗിക്കുക. ഈ ബസ് സിയാല് ഓപ്പപ്പറേഷന് ഏരിയയിലായിരിക്കും ഉപയോഗിക്കുക. അന്തരീക്ഷ മലിനീകരണം ഉണ്ടാകില്ലെന്നതിനാല് സര്ക്കാരിന്റെ സീറോ കാര്ബര് പോളിസിക്ക് കരുത്ത് പകരുന്നതാണ് സിയാലിന്റെ ഗ്രീന് ഹൈഡ്രജന് സ്റ്റേഷന് പദ്ധതി.
