ജാമ്യത്തിലിറങ്ങി ലഹരിക്കടത്ത്; രണ്ടു യുവതികളടക്കം മൂന്നു പേര് അറസ്റ്റില്
സംസ്ഥാനത്ത് ഒരാഴ്ചയായി തുടരുന്ന ശക്തമായ മഴയ്ക്ക് ശമനം; നാല് ജില്ലകളില് യെല്ലോ അലര്ട്ട്
July 28, 2025
പ്ലസ് വണ് ട്രാന്സ്ഫര് അലോട്ട്മെന്റ്: പ്രവേശനം ഇന്നുകൂടി
July 28, 2025
പാലക്കാട് : ലഹരിമരുന്നുമായി രണ്ടു യുവതികളടക്കം മൂന്നു പേര് പാലക്കാട് അറസ്റ്റില്. കോഴിക്കോട് ഒഞ്ചിയം സ്വദേശി കെ വി ആന്സി (30), മലപ്പുറം സ്വദേശികളായ നൂറാ തസ്നി (23), സുഹൃത്ത് മുഹമ്മദ് സ്വാലിഹ് (29) എന്നിവരാണ് അറസ്റ്റിലായത്.
53.950 ഗ്രാം മെത്താംഫെറ്റമിനാണ് ഇവരില് നിന്നും കണ്ടെടുത്തത്. ബംഗളൂരുവില് നിന്ന് ആന്സിയാണ് ലഹരിമരുന്ന് എത്തിച്ചത്. ആന്സിയില് നിന്നും മെത്താംഫെറ്റമിന് വാങ്ങാനെത്തിയതായിരുന്നു മറ്റു രണ്ടു പേര്. മലപ്പുറം സ്വദേശികള് യാത്ര ചെയ്ത കാറും പൊലീസ് കസ്റ്റഡിയിലെടുത്തു.
ഓപ്പറേഷന് ഡി ഹണ്ടിന്റെ ഭാഗമായി മുണ്ടൂര് പൊരിയാനിയില് ജില്ലാ പൊലീസ് ലഹരിവിരുദ്ധ സ്ക്വാഡും കോങ്ങാട് പൊലീസും ചേര്ന്നു നടത്തിയ പരിശോധനയിലാണ് മൂവരും പിടിയിലായത്. 2024 ല് ആന്സിയെ എംഡിഎംഎയുമായി പൊലീസ് പിടികൂടിയിരുന്നു. ഈ കേസില് ജാമ്യത്തിലിറങ്ങിയ ശേഷവും ലഹരിക്കടത്ത് തുടരുകയായിരുന്നു.
