കാനഡയില് ചെറുവിമാനങ്ങള് കൂട്ടിയിടിച്ച് മലയാളിയുള്പ്പെടെ രണ്ട് വിദ്യാര്ഥികള് മരിച്ചു
ജാനകി അല്ല, ജാനകി വി; ഒടുവിൽ വഴങ്ങി നിർമാതാക്കൾ
July 9, 2025
ആകാശത്ത് ഇന്ന് രാത്രി ബക്ക് മൂണ് ദൃശ്യമാകും
July 10, 2025
വാന്കൂവര് : കാനഡയില് പരിശീലന പറക്കലിനിടെ ചെറുവിമാനങ്ങള് കൂട്ടിയിടിച്ചുണ്ടായ അപകടത്തില് രണ്ട് മരണം. മലയാളിയുള്പ്പെടെ രണ്ട് വിദ്യാര്ഥികള് പറത്തിയ വിമാനങ്ങളാണ് അപകടത്തില്പ്പെട്ടത്. കൊച്ചി സ്വദേശിയായ ശ്രീഹരി സുകേഷ് ആണ് അപകടത്തില്പ്പെട്ട മലയാളി. സാവന്ന മെയ് റോയ്സ് എന്ന ഇരുപതുകാരിയാണ് കൊല്ലപ്പെട്ട രണ്ടാമത്തെ വിദ്യാര്ഥി.
കാനഡയിലെ മാനിട്ടോബ പ്രവിശ്യയിലെ സ്റ്റെയിന്ബാച്ച് മേഖലയില് ചൊവ്വാഴ്ച ആയിരുന്നു അപകടം. പരിശീലന പറക്കലിനിടെ ഇരുവരും ഒരേ സമയം ലാന്ഡ് ചെയ്യാന് ശ്രമിച്ചതാണ് അപകടത്തിന് ഇടയാക്കിയത്. പരിശീനത്തിന് ഉപയോഗിക്കുന്ന ചെറിയ റണ്വേയില് നിന്ന് ഏതാനും മീറ്ററുകള് അകലെ ആയിരുന്നു അപകടം.
ഹാര്വ്സ് എയര് പൈലറ്റ് പരിശീലന സ്കൂളിന്റെ സിംഗിള് എഞ്ചിന് വിമാനങ്ങളായ സെസ്ന 152, സെസ്ന 172 വിമാനങ്ങളാണ് അപകടത്തില്പ്പെട്ടത്. അപകടത്തിന് പിന്നാലെ ഹാര്വ്സ് എയറിൻ്റെ പ്രവര്ത്തനങ്ങള് താല്ക്കാലികമായി നിര്ത്തിവച്ചു. കാനഡയിലെ ഗതാഗത സുരക്ഷാ ബോര്ഡ് അപകടത്തില് അന്വേഷണം പ്രഖ്യാപിച്ചിട്ടുണ്ട്.
