ഡിജിപി നിയമനത്തിൽ സംസ്ഥാന സര്ക്കാരുമായി അഭിപ്രായ ഭിന്നതയില്ല : പി ജയരാജന്
കോണ്ഗ്രസിന്റെ റിമോട്ട് കണ്ട്രോള് ജമാഅത്തെ ഇസ്ലാമിയുടെ കയ്യില് : രാജീവ് ചന്ദ്രശേഖര്
July 2, 2025
യന്ത്രതകരാറിനെ തുടര്ന്ന് തിരുവനന്തപുരം വിമാനത്താവളത്തില് ഇറക്കിയ ബ്രിട്ടീഷ് യുദ്ധ വിമാനത്തെ പരസ്യമാക്കി കേരള ടൂറിസം
July 2, 2025
കണ്ണൂര് : പുതിയ ഡിജിപിയെ നിയമിച്ചതിനെ കുറിച്ച് സംസ്ഥാന സര്ക്കാരുമായി അഭിപ്രായ ഭിന്നതയില്ലെന്നും പറയുന്ന കാര്യങ്ങള് വലതുപക്ഷ മാധ്യമങ്ങള് വളച്ചൊടിക്കുകയാണെന്നും സിപിഐഎം സംസ്ഥാന കമ്മിറ്റി അംഗം പി ജയരാജന് പറഞ്ഞു. പയ്യാമ്പലം പി ഡബ്ല്യുഡി ഗസ്റ്റ് ഹൗസില് മാധ്യമങ്ങളോട് സംസാരിക്കുകയായിരുന്നു അദ്ദേഹം.
ഡിജിപിയെ നിയമിച്ച വിഷയത്തില് നേരത്തെ മാധ്യമങ്ങളോട് വ്യക്തമാക്കിയിരുന്നതാണ്. പറയാനുള്ളത് അന്ന് തന്നെ പറഞ്ഞതാണ്. തന്റെ ഫെയ്ബുക്ക് പേജില് കൃത്യമായി ഇക്കാര്യങ്ങളെല്ലാം കൃത്യമായി പോസ്റ്റ് ചെയ്തിട്ടുണ്ടെന്നും ജയരാജന് പറഞ്ഞു. പാര്ട്ടിയെ തേജോവധം ചെയ്യുന്നതിനാണ് വലതുപക്ഷ മാധ്യമങ്ങള് ശ്രമിക്കുന്നതെന്നും ജയരാജന് പറഞ്ഞു.
കമ്യൂണിസ്റ്റ് പാര്ട്ടിക്കെതിരെയുള്ള കുപ്രചരണം വലതുപക്ഷ മാധ്യമങ്ങള് തുടരുകയാണ്. താന് പാര്ട്ടിയില് നിന്നും ഒറ്റപ്പെടുന്നുവെന്ന് പറയുന്നവര് തന്നെ തന്റെ അഭിപ്രായങ്ങള്ക്ക് സോഷ്യല് മീഡിയയില് പിന്തുണ കൂടി വരുന്നുവെന്നും പറയുന്നു. കമ്യൂണിസ്റ്റ് പാര്ട്ടിയില് താന് ഉള്പ്പെടെയുള്ള നേതൃത്വം കൂട്ടായ തീരുമാനമാണ് സ്വീകരിക്കുന്നതെന്നും പി ജയരാജന് പറഞ്ഞു.
