സൂംബ വിവാദം : സെക്രട്ടേറിയറ്റിന് മുന്നില് പ്രതിഷേധിച്ച് സൂംബാ അസോസിയേഷന്; പങ്കെടുത്ത് വിദ്യാഭ്യാസ മന്ത്രിയും
രാജ്ഭവനിലെ കാര്യങ്ങള് നിയന്ത്രിക്കുന്നത് രണ്ട് ആര്എസ്എസ് പ്രവര്ത്തകര് : മന്ത്രി ശിവന്കുട്ടി
June 29, 2025
പുതുക്കാട് നവജാതശിശുക്കളെ കുഴിച്ചുമൂടിയ സംഭവത്തില് കൂടുതല് വിവരങ്ങള് പുറത്ത്
June 29, 2025
തിരുവനന്തപുരം : വിദ്യാലയങ്ങളില് ആരംഭിച്ച സൂംബ പരിശീലനവുമായി ബന്ധപ്പെട്ട വിവാദങ്ങളുടെ പശ്ചാത്തലത്തില് സെക്രട്ടേറിയറ്റിന് മുന്നില് സൂംബാ അസോസിയേഷന്റെ പ്രതിഷേധ സൂംബ. സെക്രട്ടറിയേറ്റിന് മുന്നില് സൂംബ അസോസിയേഷന്റെ നേതൃത്വത്തില് പ്രതിഷേധ സൂംബ ഫ്ലാഷ് മോബ് അരങ്ങേറി. രാവിലെ ആരംഭിച്ച പ്രതിഷേധ സുംബയില് വിദ്യാഭ്യാസവകുപ്പ് മന്ത്രി വി ശിവന്കുട്ടിയും പങ്കെടുത്തു.
വര്ക്കൗട്ടായോ വ്യായാമമായോ മാത്രം കാണേണ്ട സൂംബ ഡാന്സിനെതിരെ മുംസ്ലിം സംഘടനകള് കൂട്ടത്തോടെ രംഗത്തുവന്ന പശ്ചാത്തലത്തിലാണ് പ്രതിഷേധം. സ്കൂളുകളിലെ പാഠ്യപദ്ധതിയുടെ ഭാഗമായി ആരംഭിച്ച സൂംബ പരിശീലനം ശരിയായ സന്ദേശമല്ല നല്കുന്നതെന്നും വിദ്യാര്ത്ഥികളുടെ മൗലികാവകാശത്തിന് നേരെയുള്ള ലംഘനമാണെന്നുമായിരുന്നു മുസ്ലീം സംഘടനകളുടെ വിമര്ശനം.
കൃത്യമായ പരിശീലനം ലഭിച്ചവരല്ല, സൂംബ ഇന്സ്ട്രക്ടര്മാരെന്നും വിമര്ശനം ഉയര്ന്നതിനെ തുടര്ന്നാണ് അസോസിയേഷന് ഒറ്റക്കെട്ടായി പ്രതിഷേധവുമായി എത്തിയത്. ഒരു ഫിറ്റ്നസ് കാര്ഡിയോ വര്ക്കൗട്ട് ആയി കാണേണ്ട പദ്ധതിയെ വസ്ത്രധാരണത്തിന്റെയും ഡിജെ പരിപാടിയെന്ന് ആക്ഷേപിച്ചും മാറ്റിനിര്ത്തുന്നതില് പ്രതിഷേധിച്ചാണ് സുംബാ അസോസിയേഷന്റെ സൂംബാ ഫ്ളാഷ് മോബ് സംഘടിപ്പിച്ചത്.
