മുംബൈ- ചെന്നൈ എയര് ഇന്ത്യ വിമാനത്തിൽ കാബിനില് പുകയുടെ മണം; 45 മിനിറ്റിന് ശേഷം വിമാനം തിരിച്ചിറക്കി
തിരുവനന്തപുരം മെഡിക്കല് കോളജില് ശസ്ത്രക്രിയ ഉപകരണങ്ങളുടെ അഭാവമുണ്ടെന്ന വെളിപ്പെടുത്തലില് ഉറച്ച് നില്ക്കുന്നു : ഡോ. ഹാരിസ് ചിറക്കല്
June 29, 2025
പുരി ജഗന്നാഥക്ഷേത്രത്തില് രഥയാത്രയ്ക്കിടെ തിക്കിലും തിരക്കിലും പെട്ട് മൂന്ന് മരണം; 50 ലേറെ പേര്ക്ക് പരിക്ക്
June 29, 2025
ന്യൂഡല്ഹി : കാബിനില് നിന്ന് പുകയുടെ മണം അനുഭവപ്പെട്ടതിനെ തുടര്ന്ന് എയര് ഇന്ത്യ വിമാനം തിരിച്ചിറക്കി. മുംബൈയില്നിന്ന് ചെന്നൈയിലേക്ക് പുറപ്പെട്ട എയര് ഇന്ത്യ വിമാനമാണ് തിരിച്ചിറക്കിയത്. വിമാനം സുരക്ഷിതമായി മുംബൈയില് തിരിച്ചിറക്കിയതായും യാത്രക്കാര്ക്കു മറ്റൊരു വിമാനം ഏര്പ്പെടുത്തിയതായും എയര് ഇന്ത്യ വക്താവ് പറഞ്ഞു.
മുംബൈ വിമാനത്താവളത്തില് നിന്ന് യാത്ര തുടങ്ങി 45 മിനിറ്റിന് ശേഷം മുംബൈയില് തന്നെ വിമാനം സുരക്ഷിതമായി ലാന്ഡ് ചെയ്തുവെന്ന് എയര് ഇന്ത്യ പ്രസ്താവനയില് അറിയിച്ചു. അപ്രതീക്ഷിത തടസ്സം കാരണം യാത്രക്കാര്ക്കുണ്ടായ ബുദ്ധിമുട്ട് കുറയ്ക്കാന് ഗ്രൗണ്ട് സ്റ്റാഫ് എല്ലാ പിന്തുണയും നല്കിയെന്നും അധികൃതര് വ്യക്തമാക്കി.
എഐ 639 വിമാനം രാത്രി 11:50നാണ് പറന്നുയര്ന്നത്. ഏകദേശം 45 മിനിറ്റ് പറന്നതിനു ശേഷം സാങ്കേതിക തകരാര് കാരണം വിമാനം മുംബൈയിലേക്കു തിരികെ പോകുമെന്ന് പൈലറ്റ് അറിയിച്ചതായി യാത്രക്കാരിലൊരാള് സമൂഹമാധ്യമത്തില് കുറിച്ചു. രാത്രി 12:47ന് വിമാനം നിലത്തിറക്കി.
കഴിഞ്ഞ ദിവസം ചിറകില് വൈക്കോല് കുടുങ്ങിയതിനെ തുടര്ന്ന് മുംബൈയില്നിന്ന് ബാങ്കോക്കിലേക്കുള്ള എയര് ഇന്ത്യ വിമാനം വൈകിയിരുന്നു. രാവിലെ 7.45 നാണ് പുറപ്പെടേണ്ടിയിരുന്ന വിമാനത്തിന്റെ ഇടതുവശത്തെ ചിറകില് വൈക്കോല് കണ്ടെത്തുകയായിരുന്നെന്ന് എയര് ഇന്ത്യ പ്രസ്താവനയില് പറഞ്ഞു.
