പ്രിയങ്ക ഗാന്ധി 23ന് വയനാട്ടിലെത്തും; പത്തുദിവസം മണ്ഡലത്തില് പര്യടനം
ടാറ്റ ഫുട്ബോള് അക്കാദമിയില് ചേരാം; ഭാവിതാരങ്ങളെ തേടി ജംഷഡ്പൂര് എഫ്സി
October 18, 2024
കേരള സര്വകലാശാല കോളജ് യൂണിയന് തെരഞ്ഞെടുപ്പ് : എസ്എഫ്ഐക്ക് ഉജ്ജ്വല വിജയം
October 18, 2024
കൊച്ചി : വയനാട് ലോക്സഭാ മണ്ഡലത്തിലെ യുഡിഎഫ് സ്ഥാനാര്ഥി പ്രിയങ്ക ഗാന്ധി ഈ മാസം 23 ന് പത്രിക സമര്പ്പിക്കും. 23 മുതല് പത്ത് ദിവസം മണ്ഡലത്തില് പര്യടനം നടത്തും. വയനാട്, റായ്ബറേലി എന്നീ ലോക്സഭാ മണ്ഡലങ്ങളില് രാഹുല് ഗാന്ധി വിജയിച്ചതിനെ തുടര്ന്ന് അദ്ദേഹം വയനാട് ഒഴിഞ്ഞതോടെയാണ് ഉപതെരഞ്ഞെടുപ്പ്.
പ്രിയങ്കയ്ക്കെതിരെ എല്ഡിഎഫ് സ്ഥാനാര്ഥിയായി സത്യന് മൊകേരിയാണ് മത്സരിക്കുന്നത്. ബിജെപി സ്ഥാനാര്ഥിയുടെ പ്രഖ്യാപനം ഇന്ന് ഉണ്ടാകുമെന്നാണ് റിപ്പോര്ട്ടുകള്.
കഴിഞ്ഞ തെരഞ്ഞെടുപ്പില് രാഹുല് ഗാന്ധി 364422 വോട്ടുകള്ക്കാണ് വിജയിച്ചത്. സിപിഐ സ്ഥാനാര്ഥിയായി മത്സരിച്ച ആനി രാജ 283,023 വോട്ടുകള് നേടിയപ്പോള് ബിജെപി സ്ഥാനാര്ഥി കെ സുരേന്ദ്രന് 141,045 വോട്ടുകള് നേടി. 2019ലെ തെരഞ്ഞടുപ്പില് വയനാട്ടില് റെക്കോര്ഡ് ഭൂരിപക്ഷത്തിനാണ് രാഹുല് വിജയിച്ചത്. പോള് ചെയ്തതിന്റെ 64. 7 ശതമാനം വോട്ടുകള് രാഹുലിന് ലഭിച്ചിരുന്നു.
