പോലീസ് ഉദ്യോഗസ്ഥർക്കെതിരായ പരാതി; ഇന്ന് പി വി അൻവർ എംഎൽഎയുടെ മൊഴിയെടുക്കും

തൃശൂർ : കേരളാ പോലീസിലെ ഉന്നത ഉദ്യോഗസ്ഥർക്കെതിരെ പിവി അൻവർ എംഎൽഎ നൽകിയ പരാതിയിൽ പ്രത്യേക അന്വേഷണ സംഘം ഇന്ന് മൊഴിയെടുക്കും. തൃശൂർ റേഞ്ച് ഡി.ഐ.ജി തോംസൺ ജോസ് മലപ്പുറത്ത് വെച്ചാണ് പി വി.അൻവറിൻ്റെ മൊഴിയെടുക്കുക. ഇന്ന് മൊഴിയെടുക്കാൻ എത്തുമെന്ന് ഡി.ഐ.ജി അറിയിച്ചിട്ടുണ്ടെന്ന് പി.വി.അൻവർ ഇന്നലെ അറിയിച്ചിരുന്നു. പരമാവധി തെളിവുകൾ അന്വേഷണ സംഘത്തിന് നൽകുമെന്നും അൻവർ പറഞ്ഞു.