55,000 തൊട്ട് സ്വർണ വില; ഒറ്റയടിക്ക് 720 രൂപയുടെ വർദ്ധനവ്

55 ,000 രൂപയെന്ന ഏറ്റവും ഉയർന്ന നിരക്കിൽ വീണ്ടും തൊട്ട് സ്വർണ വില. ഈ മാസത്തെ ഏറ്റക്കുറച്ചിലുകൾക്കും ചാഞ്ചാട്ടങ്ങൾക്കും ശേഷം ഒറ്റയടിക്ക് വമ്പൻ കുതിച്ചു ചാട്ടമാണ് ഇന്ന് സ്വർണ വിപണി നടത്തിയത്. ഗ്രാമിന് 90 രൂപയും പവന് 720 രൂപയുമാണ് വർദ്ധനവ്. യഥാക്രമം ഒരു ഗ്രാം 22 കാരറ്റ് സ്വർണത്തിന് 6,875 രൂപയാണ് വില. ഒരു പവൻ സ്വർണത്തിനാകട്ടെ 55,000 രൂപയും നൽകണം. ഈ മാസത്തെ ഏറ്റവും ഉയർന്ന നിരക്കാണിത്. 24 കാരറ്റ് സ്വർണം 60,000 രൂപയിലാണ് എത്തി നിൽക്കുന്നത്. 

6,625 രൂപയിലാണ് ഈ മാസം വ്യാപാരം ആരംഭിച്ചത്. ഈ ദിവസം തന്നെയായിരുന്നു സ്വർണത്തിൻ്റെ ഏറ്റവും കുറഞ്ഞ വില രേഖപ്പെടുത്തിയത്. തുടർന്നുള്ള ദിവസങ്ങളിലും വില ഒരേപോലെ തുടർന്നു. എന്നാൽ ജൂലൈ 12 ആയപ്പോഴേയ്ക്കും വില 54,000 കടന്നു. പിന്നീട് ചെറിയ ഏറ്റക്കുറച്ചിലുകൾക്ക് ശേഷമാണ് 55,000 രൂപയിൽ ഒരു പവൻ എത്തുന്നത്. സ്വർണത്തിൽ മാത്രമല്ല വെള്ളി വിലയിലും ഇന്ന് വർദ്ധനവാണ് കാണിക്കുന്നത്. ഒരു ഗ്രാം വെള്ളിക്ക് ഇന്ന് 100.50 രൂപയാണ് വില. ഒരു പവന് 804 രൂപയും. എന്നാൽ ഈ മാസത്തെ ആകെത്തുക പരിശോധിക്കുമ്പോൾ വെള്ളി ആഭരണങ്ങൾക്ക് വില കുറവാണ് രേഖപ്പെടുത്തുന്നത്.

സ​ർ​വ​കാ​ല റെക്കോഡി​ൽ നി​ന്ന് പ​വ​ന് 120 രൂ​പ​യും ഗ്രാ​മി​ന് 15 രൂ​പ​യും മാ​ത്രം അ​ക​ലെ​യാ​ണി​പ്പോ​ൾ. ര​ണ്ടു മാ​സ​ത്തെ ഇ​ട​വേ​ള​യ്ക്ക് ശേ​ഷ​മാ​ണ് കേ​ര​ള​ത്തി​ൽ പ​വ​ൻ വി​ല വീ​ണ്ടും 55,000 രൂ​പ ക​ട​ന്ന​ത്. മേ​യ് 20ന് 55,120 ​രൂ​പ​യാ​യി ഉ​യ​ര്‍​ന്ന് സ്വ​ര്‍​ണ​വി​ല പു​തി​യ റെക്കോഡ്  കു​റി​ച്ചി​രു​ന്നു. സ്വർണത്തിൻ്റെ മൂല്യം നാൾക്കുനാൾ ഉയരുകയാണ്. 2008 മുതൽ, കൃത്യമായി പറഞ്ഞാൽ ലോകത്തെ പിടിച്ചുകുലുക്കിയ ആഗോള സാമ്പത്തികമാന്ദ്യത്തിന് ശേഷമാണ് നിക്ഷേപകരുടെ നോട്ടം സ്വർണത്തിൽ ഗൗരവമായി പതിഞ്ഞത്. സ്വർണത്തിൽ നിക്ഷേപിച്ചാൽ നഷ്ടമുണ്ടാകില്ലെന്ന വിശ്വാസം ജനങ്ങൾക്കിടയിൽ ശക്തമാണ്. സ്വർണത്തിന്റെ മുൻകാല ചരിത്രം പരിശോധിച്ചാൽ ഇതു ശരിയാണെന്നും കാണാം. 2007 കാലഘട്ടത്തിൽ പവന് 10,000 രൂപയുണ്ടായിരുന്ന സ്വർണത്തിന് ഇന്ന് വില മൂന്നിരട്ടിയിലധികമാണ്.

ജൂലൈയിലെ സ്വർണവില (പവൻ)

ജൂലൈ 1: 53,000

ജൂലൈ 2: 53,080 

ജൂലൈ 3: 53,080 

ജൂലൈ 4: 53,600  

ജൂലൈ 5: 53,600

ജൂലൈ 6: 54,120

ജൂലൈ 7: 54,120

ജൂലൈ 8: 53,960 

ജൂലൈ 9: 53,680 

ജൂലൈ 10: 53,680 

ജൂലൈ 11: 53,840 

ജൂലൈ 12: 54,080 

ജൂലൈ 13: 54,080

ജൂലൈ 14: 54,080

ജൂലൈ 15: 54,000 

ജൂലൈ 16: 54,280

ജൂലൈ 17: 55,000