അനധികൃത അവധി റദ്ദാക്കാത്ത 676 പേരെ പുറത്താക്കാൻ ആരോഗ്യവകുപ്പ്

തിരുവനന്തപുരം: അനധികൃത അവധിയിലുള്ളവർ ജോലിയിൽ തിരികെ പ്രവേശിക്കണമെന്ന സർക്കാർ നിർദേശം പാലിക്കാതെ ആരോഗ്യ പ്രവർത്തകർ. അനധികൃത അവധിയിലുള്ള 700 പേരിൽ തിരികെ പ്രവേശിച്ചത് 24 പേരാണ് .  ഒരുമാസം മുമ്പാണ് അനധികൃത അവധിയിലുള്ളവർ തിരികെ എത്തണമെന്ന് ആരോഗ്യവകുപ്പ് നിർദേശം നൽകിയത്. മന്ത്രി വീണാ ജോർജാണ് നിർദേശം നൽകിയത്. തിരികെ ജോലിയിൽ പ്രവേശിക്കാത്തവരെ പുറത്താക്കാനുള്ള നടപടികൾക്കൊരുങ്ങുകയാണ് ആരോഗ്യവകുപ്പ്. മഴക്കാലത്ത് പനിയടക്കമുള്ള രോഗങ്ങൾ പടർന്നുപിടിക്കുന്ന സാഹചര്യത്തിലാണ് തിരികെ പ്രവേശിക്കാൻ നിർദേശിച്ചത്.