ആരാധകരെ ആവേശത്തിലാക്കി ലോകേഷ് കനകരാജ് – രജനികാന്ത് ചിത്രം ‘കൂലി’ ടൈറ്റില് ടീസര് പുറത്ത്. സ്വർണക്കടത്ത് പ്രമേയമാക്കിയ ഒരു പക്കാ മാസ് ആക്ഷന് ചിത്രമായിരിക്കും എന്ന സൂചനയാണ് ടീസര് നല്കുന്നത്. രജനീകാന്തിന്റെ മാസ് എൻട്രിയും ഫൈറ്റും ഉൾപ്പെടുത്തിയാണ് ടീസർ പുറത്തിറക്കിയത്. തമിഴ്നാട്ടിലെ ഒരു തുറമുഖം വഴി നടക്കുന്ന അധോലോക സംഘത്തിന്റെ സ്വര്ണക്കടത്തുമായി ബന്ധപ്പെട്ട കഥയാണ് ചിത്രം പറയുന്നത്. ലോകേഷിന്റെ മുന് സിനിമകള് മയക്കുമരുന്ന് സംഘങ്ങളുടെ പശ്ചാത്തലത്തിലാണ് ഒരുക്കിയിരുന്നത്.
സൺപിക്ചേഴ്സിന്റെ ബാനറിൽ കലാനിധിമാരൻ നിർമിക്കുന്ന രജനിയുടെ 171-ാമത് ചിത്രമായിരിക്കും ഇത്. അനിരുദ്ധ് ചിത്രത്തിന് സംഗീതമൊരുക്കും. തമിഴ്, ഹിന്ദി, തെലുങ്ക്, കന്നഡ ഭാഷകളിലും ചിത്രം റിലീസ് ചെയ്യും.
