കരുണാകര പുത്രി പ​ത്മ​ജ വേ​ണു​ഗോ​പാ​ൽ ബി​ജെ​പിയി​ലേ​ക്ക്

തൃ​ശൂ​ർ: മു​ൻ മു​ഖ്യ​മ​ന്ത്രി കെ.​ക​രു​ണാ​ക​ര​ന്‍റെ മ​ക​ളും മു​തി​ർ​ന്ന കോ​ൺ​ഗ്ര​സ് നേ​താ​വു​മാ​യ പ​ത്മ​ജ വേ​ണു​ഗോ​പാ​ൽ കോ​ൺ​ഗ്ര​സ് വി​ട്ട് ബി​ജെ​പി പാ​ള​യ​ത്തി​ലേ​ക്ക് ചേ​ക്കേ​റു​ന്നു. ലോ​ക്സ​ഭാ തെ​ര​ഞ്ഞെ​ടു​പ്പി​ന് ശേ​ഷം പാ​ർ​ട്ടി മാ​റാ​നാ​ണ് പ​ത്മ​ജ ശ്ര​മി​ക്കു​ന്ന​ത്. നി​ല​വി​ൽ കോ​ൺ​ഗ്ര​സ് ജ​ന​റ​ൽ സെ​ക്ര​ട്ട​റി​യാ​യ പ​ത്മ​ജ വാ​ർ​ത്ത ത​ള്ളി​ക്ക​ള​യു​ന്നി​ല്ലെ​ന്ന് പ്ര​തി​ക​രി​ക്കു​ക​യും ചെ​യ്തി​ട്ടു​ണ്ട്.

കോ​ൺ​ഗ്ര​സു​മാ​യി ഗു​രു​ത​ര പ്ര​ശ്ന​ങ്ങ​ളു​ണ്ടെ​ന്നാ​ണ് പ​ത്മ​ജ​യു​ടെ വാ​ദം. എ​ന്നാ​ൽ എ​ന്താ​ണ് പ്ര​ശ്ന​ങ്ങ​ളെ​ന്ന് അ​വ​ർ വ്യ​ക്താ​ക്കി​യി​ട്ടി​ല്ല. പ​ത്മ​ജ​യു​ടെ സ​ഹോ​ദ​ര​ൻ കെ.​മു​ര​ളീ​ധ​ര​ൻ വ​ട​ക​ര​യി​ൽ യു​ഡി​എ​ഫ് സ്ഥാ​നാ​ർ​ഥി​യാ​കു​മെ​ന്ന് ഉ​റ​പ്പാ​യി​ട്ടു​ണ്ട്.ര​ണ്ട് ത​വ​ണ നിയമസഭയിലേക്കും ഒരു വട്ടം ലോക്സഭയിലേക്കും  യു​ഡി​എ​ഫി​നാ​യി മ​ത്സ​ര രം​ഗ​ത്തു​വ​ന്ന പ​ത്മ​ജ​യ്ക്ക് പ​രാ​ജ​യം മാ​ത്ര​മാ​യി​രു​ന്നു വി​ധി.

 2004-ൽ ​മു​കു​ന്ദ​പു​രം ലോ​ക്സ​ഭാ മ​ണ്ഡ​ല​ത്തെ മത്സരിച്ച പ​ത്മ​ജ സി​പി​എ​മ്മി​ലെ ലോ​ന​പ്പ​ൻ ന​മ്പാ​ട​നോ​ട് 1,17,097 വോ​ട്ടി​ന്‍റെ ദ​യ​നീ​യ തോ​ൽ​വി ഏ​റ്റു​വാ​ങ്ങി​യി​രു​ന്നു. പി​ന്നീ​ട് 2016, 2021 നി​യ​മ​സ​ഭാ തെ​ര​ഞ്ഞെ​ടു​പ്പു​ക​ളി​ൽ തൃ​ശൂ​ർ മ​ണ്ഡ​ല​ത്തി​ൽ ജ​ന​വി​ധി തേ​ടി​യ പ​ത്മ​ജ ര​ണ്ട് ത​വ​ണ​യും തോ​റ്റു. 2016-ൽ ​വി.​എ​സ്.​സു​നി​ൽ​കു​മാ​റി​നോ​ടും 2021-ൽ ​പി.​ബാ​ല​ച​ന്ദ്ര​നോ​ടു​മാ​യി​രു​ന്നു തോ​ൽ​വി സ​മ്മ​തി​ക്കേ​ണ്ടി വ​ന്ന​ത്.