തിരുവനന്തപുരത്ത് കുട്ടിയെ കാണാതായ സംഭവം; രണ്ട് പേര്‍ ബൈക്കില്‍ പോകുന്ന സിസിടിവി ദൃശ്യം പൊലീസിന്

തിരുവനന്തപുരത്ത് രണ്ടുവയസുകാരിയെ കാണാതായ സംഭവത്തില്‍ നിര്‍ണായക സിസിടിവി ദൃശ്യം പൊലീസിന് ലഭിച്ചു. ബ്രഹ്‌മോസിന് സമീപത്തെ നിര്‍ണായക സിസിടിവി ദൃശ്യമാണ് പൊലീസിന് ലഭിച്ചത്. രാത്രി 12 ന് ശേഷം രണ്ട് പേര്‍ ബൈക്കില്‍ പോകുന്നതാണ് ദൃശ്യങ്ങളില്‍ ഉള്ളത്. അവര്‍ക്കിടയില്‍ കുട്ടി ഉള്ളതായി സംശയമുണ്ട്. കുട്ടിയെ കാണാതായതിന് സമീപത്ത് നിന്നാണ് ദൃശ്യങ്ങള്‍ ലഭിച്ചത്. കൂടുതല്‍ ദൃശ്യങ്ങള്‍ പരിശോധിച്ച് വരികയാണ് പൊലീസ്.

കുട്ടിയെ വാഹനത്തിൽ കൊണ്ട് പോയത് കണ്ടതായി മൊഴി ലഭിച്ചിട്ടുണ്ട് .. ഈഞ്ചയ്ക്കലിലുള്ള കുടുംബമാണ് പൊലീസ് സ്റ്റേഷനിൽ എത്തി ഇക്കാര്യം അറിയിച്ചത്. പൊലീസ് സംഘം വീട്ടിലെ സിസിടിവി ദൃശ്യങ്ങൾ പരിശോധിക്കുകയാണ്.അതേസമയം പൊലീസ് കുഞ്ഞിന്റെ കൂടുതൽ ബന്ധുക്കളുടെ മൊഴിയെടുക്കുകയാണ്. അമ്മൂമ്മയെ അടക്കം പേട്ട പൊലീസ് സ്റ്റേഷനിൽ എത്തിച്ചു. ഡിസിപി നിധിൻ രാജിന്റെ നേതൃത്വത്തിലാണ് മൊഴിയെടുക്കൽ നടക്കുന്നത്