വിതരണം സൈക്കിളിൽ , ലക്ഷദ്വീപിലും ഇനി ഓണ്‍ലൈന്‍ ഫുഡ് ഡെലിവറി 

കൊച്ചി:  ലക്ഷദ്വീപില്‍ ഓൺലൈൻ ഭക്ഷണ വിതരണത്തിനു തുടക്കമിട്ട് സ്വിഗി സർവീസ് ആരംഭിച്ചു.  റിപ്പബ്ലിക് ദിനാഘോഷത്തോടനുബന്ധിച്ചാണ്  സ്വിഗി ലക്ഷദ്വീപ് സർവീസ് ആരംഭിച്ചത്. ലക്ഷദ്വീപില്‍ പ്രവേശിക്കുന്ന ആദ്യത്തെ ഓണ്‍ലൈന്‍ ഫുഡ് ഡെലിവറി പ്ലാറ്റ്ഫോമാകും സ്വിഗി.

പരിസ്ഥിതി സൗഹൃദ സമീപനമാണ് ദ്വീപിലെ പ്രവര്‍ത്തനങ്ങളില്‍ സ്വിഗ്ഗി സ്വീകരിക്കുന്നതെന്ന്‌ കമ്പനി  പറഞ്ഞു. എല്ലാ ഡെലിവറികളും സൈക്കിളില്‍ മാത്രമായിരിക്കും. ആദ്യ തവണ സ്വിഗ്ഗി ഉപയോക്താക്കള്‍ക്ക് 100 രൂപ വരെയുള്ള ഓര്‍ഡറുകള്‍ക്ക് 50% കിഴിവ്, ആദ്യ ഓര്‍ഡറുകള്‍ക്ക് സൗജന്യ ഡെലിവറി തുടങ്ങിയ പ്രത്യേക ലോഞ്ച് ഓഫറുകള്‍ ഉണ്ടാകും. പ്രാദേശിക യുവാക്കള്‍ക്ക് വരുമാന അവസരങ്ങള്‍ സൃഷ്ടിക്കുന്നതിനൊപ്പം പ്രാദേശിക റെസ്റ്റോറന്റുകളുമായി സഹകരിക്കാനും ബിസിനസ്സ് വിപുലീകരണത്തില്‍ അവയെ പിന്തുണക്കാനും കഴിയുന്നതില്‍ സന്തോഷമുണ്ടെന്നും സിദ്ധാര്‍ഥ് ബക്കൂ പറഞ്ഞു.