ഹോംസ്റ്റേയിൽ വെച്ച് വിദേശ വനിതയെ പീഡിപ്പിച്ചു ; ഹോംസ്റ്റേ ഉടമ അറസ്റ്റിൽ

ആലപ്പുഴ : ഹോംസ്റ്റേയിൽ വെച്ച് വിദേശ വനിതയെ പീഡിപ്പിച്ച സംഭവത്തിൽ ഹോംസ്റ്റേ ഉടമ അറസ്റ്റിൽ. ആലപ്പുഴ സ്വദേശി ഷയാസ് (27)നെയാണ് ആലപ്പുഴ സൗത്ത് പൊലീസ് അറസ്റ്റ് ചെയ്‌തത്. ആലപ്പുഴ കലക്ടറേറ്റ് ജംക്‌ഷനു സമീപമുള്ള ഹോം സ്‌റ്റേയിൽ വ്യാഴാഴ്‌ച വൈകിട്ടോടെയാണ് സംഭവം.

മസാജ് ചെയ്‌തു നൽകാമെന്ന് പറഞ്ഞു ഇയാൾ വിദേശ വനിതയെ ലൈം​ഗികമായി പീഡിപ്പിച്ചുവെന്നാണ് പരാതി. വിദേശ വനിത പരാതി നൽകിയ അടിസ്ഥാനത്തിലാണ് അറസ്റ്റ്. പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്‌തു.