ദക്ഷിണാഫ്രിക്കക്കെതിരായ രണ്ടാം ഏകദിനത്തില്‍ ഇന്ത്യ 211 റണ്‍സിനു പുറത്ത്
ലോക്സഭാ തെരഞ്ഞെടുപ്പ് 2024 : ഖാർഗെയെ പ്രധാനമന്ത്രി സ്ഥാനാർ‌ഥി ആക്കണം ; നിർദ്ദേശിച്ച് മമതയും കെജരിവാളും
December 19, 2023
കോവിഡ് : കേരള അതിര്‍ത്തികളില്‍ പനി പരിശോധന നിര്‍ബന്ധമാക്കി കര്‍ണാടക
December 19, 2023
ജൊഹന്നാസ്ബര്‍ഗ് : ദക്ഷിണാഫ്രിക്കക്കെതിരായ രണ്ടാം ഏകദിനത്തില്‍ ഇന്ത്യ 211 റണ്‍സിനു പുറത്ത്. ആദ്യം ബാറ്റിങിനു ഇറങ്ങിയ ഇന്ത്യ 46.2 ഓവറിലാണ് ഇത്രയും റണ്‍സിലെത്തിയത്. ടോസ് നേടി ദക്ഷിണാഫ്രിക്ക ബൗളിങ് തിരഞ്ഞെടുക്കുകയായിരുന്നു.
തുടര്‍ച്ചയായി രണ്ടാം മത്സരത്തിലും സായ് സുദര്‍ശന്‍ തിളങ്ങി. താരം അര്‍ധ സെഞ്ച്വറി നേടി. 62 റണ്‍സെടുത്ത താരമാണ് ഇന്ത്യയുടെ ടോപ് സ്‌കോറര്‍. ക്യാപ്റ്റന്‍ കെഎല്‍ രാഹുലും അര്‍ധ സെഞ്ച്വറിയുമായി തിളങ്ങി. താരം 56 റണ്‍സ് കണ്ടെത്തി. ഏഴ് ഫോറും ഒരു സിക്‌സും സഹിതമാണ് സായ് ബാറ്റ് വീശിയത്. രാഹുല്‍ എഴ് ഫോറുകള്‍ അടിച്ചു.
മലയാളി താരം സഞ്ജു സാംസണ്‍ 12 റണ്‍സില്‍ പുറത്തായി. അരങ്ങേറ്റക്കാരന്‍ റിങ്കു സിങ് 14 പന്തില്‍ ഒരു സിക്‌സും രണ്ട് ഫോറും സഹിതം 17 റണ്‍സെടുത്തു പുറത്തായി. അര്‍ഷ്ദീപ് സിങ് 18 റണ്‍സെടുത്തു. അവേശ് ഖാന്‍ ഒന്‍പത് റണ്‍സെടുത്ത് സ്‌കോര്‍ 211ല്‍ എത്തിച്ചു.
ദക്ഷിണാഫ്രിക്കക്കായി നാന്ദ്ര ബര്‍ഗര്‍ മൂന്ന് വിക്കറ്റുകള്‍ വീഴ്ത്തി തിളങ്ങി. ബ്യുറന്‍ ഹെന്‍ഡ്രിക്‌സ്, കേശവ് മഹാരാജ് എന്നിവര്‍ രണ്ട് വീതം വിക്കറ്റുകള്‍ വീഴ്ത്തി.
