പത്തനംതിട്ടയിലെ കോളേജുകളിലും ഗവര്‍ണര്‍ക്കെതിരെ ബാനറുകള്‍

പത്തനംതിട്ട : ജില്ലയിലെ വിവിധ കോളേജുകളില്‍ ഗവര്‍ണര്‍ക്കെതിരെ ബാനറുകള്‍ ഉയർന്നു. എന്‍ എസ് എസ് കോളേജ് പന്തളം, കത്തോലിക്കേറ്റ് കോളേജ്, സെന്റ് തോമസ് കോഴഞ്ചേരി, ബിഎഎം കോളേജ് മല്ലപ്പള്ളി എന്നീ കോളേജുകളിലാണ് ഗവര്‍ണര്‍ക്കെതിരെ എസ്എഫ്‌ഐയുടെ പേരില്‍ ബാനറുകള്‍ തൂക്കിയത്.ചാൻസലർ എന്ന നിലയിൽ സർവ്വകലാശാലകൾ കാവിവൽക്കരിക്കാൻ ഗവർണർ നടത്തുന്ന ശ്രമത്തിനെതിരെ എസ് എഫ് ഐ നടത്തുന്ന സമരങ്ങളുടെ ഭാഗമായാണ് ബാനറുകൾ ഉയർന്നത്. നേരത്തെ കാലിക്കറ്റ് സർവലകാശാല, കാലടി സർവകലാശാല, തിരുവനന്തപുരം സംസ്കൃത കോളജ് എന്നിവിടങ്ങളിൽ ഗവർണർക്കെതിരെ ബാനർ ഉയർന്നിരുന്നു