ധ​ന​സ​ഹാ​യം ല​ഭി​ച്ചവ​രെ​ന്ന സൂ​ച​ന​യി​ല്ലാ​തെ അ​ന്ത​സോ​ടെ ജീ​വി​ക്കാൻ അനുവദിക്കണം, പി​എം​എ​വൈ​ വീ​ടു​ക​ളി​ൽ കേ​ന്ദ്രലോ​ഗോ ഒ​ഴി​വാ​ക്ക​ണമെന്ന് മ​ന്ത്രി എം.​ബി.രാ​ജേ​ഷ്

തി​രു​വ​ന​ന്ത​പു​രം: പ്ര​ധാ​ന​മ​ന്ത്രി ഗ്രാ​മീ​ൺ ആ​വാ​സ് യോ​ജ​ന (പി​എം​എ​വൈ) പ​ദ്ധ​തി ആ​നു​കൂ​ല്യം ല​ഭി​ച്ച വീ​ടു​ക​ളി​ൽ കേ​ന്ദ്ര സ​ർ​ക്കാ​രി​ന്‍റെ ബ്രാ​ൻ​ഡ് ലോ​ഗോ നി​ർ​ബ​ന്ധ​മാ​യി പ്ര​ദ​ർ​ശി​പ്പി​ക്ക​ണ​മെ​ന്ന കേ​ന്ദ്ര ധ​ന​മ​ന്ത്രാ​ല​യ​ത്തി​ന്‍റെ നി​ർ​ദേ​ശം പു​നഃ​പ​രി​ശോ​ധി​ക്ക​ണ​മെ​ന്നും അ​തി​ൽ നി​ന്ന് കേ​ര​ള​ത്തെ ഒ​ഴി​വാ​ക്ക​ണ​മെ​ന്നും ആ​വ​ശ്യ​പ്പെ​ട്ട് കേ​ന്ദ്ര ഭ​വ​ന ന​ഗ​ര​കാ​ര്യ മ​ന്ത്രി ഹ​ർ​ദീ​പ് സിം​ഗ് പു​രി​ക്ക് ക​ത്ത​യ​ച്ച് മ​ന്ത്രി എം.​ബി.​രാ​ജേ​ഷ്.

ധ​ന​സ​ഹാ​യം ല​ഭി​ച്ച പാ​വ​പ്പെ​ട്ട​വ​രെ​ന്ന സൂ​ച​ന​യി​ല്ലാ​തെ അ​ന്ത​സോ​ടെ ജീ​വി​ക്കാ​നു​ള്ള അ​വ​കാ​ശ​വും ജ​നാ​ധി​പ​ത്യ മൂ​ല്യ​ങ്ങ​ളും പ​രി​ഗ​ണി​ച്ച് ഇ​ത്ത​ര​മൊ​രു ബ്രാ​ൻ​ഡിം​ഗി​ൽ നി​ന്ന് ഗു​ണ​ഭോ​ക്താ​ക്ക​ളെ ഒ​ഴി​വാ​ക്ക​ണ​മെ​ന്നാ​ണ് എം.​ബി. രാ​ജേ​ഷി​ന്‍റെ ക​ത്തി​ൽ പ‍​റ​യു​ന്ന​ത്.ഭ​ര​ണ​ഘ​ട​ന​യി​ലെ മൗ​ലി​കാ​വ​കാ​ശ​ങ്ങ​ളി​ലൊ​ന്നാ​യ അ​ന്ത​സോ​ടെ ജീ​വി​തം എ​ന്ന​ത് ഉ​യ​ർ​ത്തി​പ്പി​ടി​ക്കാ​നും വി​വേ​ച​ന​മി​ല്ലാ​തെ ആ​ത്മാ​ഭി​മാ​ന​ത്തോ​ടെ ജീ​വി​ക്കാ​നു​ള്ള വ്യ​ക്തി​ക​ളു​ടെ അ​വ​കാ​ശം മാ​നി​ച്ചു​മാ​ണ് സം​സ്ഥാ​ന സ​ർ​ക്കാ​രി​ന്‍റെ ഭ​വ​ന​പ​ദ്ധ​തി​യാ​യ ലൈ​ഫ് മി​ഷ​നെ ഇ​പ്ര​കാ​രം ബ്രാ​ൻ​ഡ് ചെ​യ്യേ​ണ്ടെ​ന്ന് തീ​രു​മാ​നി​ച്ച​തെ​ന്നും ക​ത്തി​ൽ പ​റ​യു​ന്നു​ണ്ട്.

ലൈ​ഫ് മി​ഷ​ൻ പ​ദ്ധ​തി വ​ഴി സം​സ്ഥാ​ന സ​ർ​ക്കാ​രും ത​ദ്ദേ​ശ സ്ഥാ​പ​ന​ങ്ങ​ളും ചേ​ർ​ന്ന് നാ​ലു ല​ക്ഷം രൂ​പ വീ​ത​മാ​ണ് ഭ​വ​ന​ര​ഹി​ത​ർ​ക്കു വീ​ടു നി​ർ​മി​ക്കാ​ൻ സ​ഹാ​യം ന​ൽ​കു​ന്ന​ത്. ക​ഴി​ഞ്ഞ മാ​സം 31 വ​രെ 3,56,108 വീ​ടു​ക​ളാ​ണു ലൈ​ഫ് പ​ദ്ധ​തി​യി​ൽ നി​ർ​മി​ച്ച​ത്.ഇ​തി​ൽ 79,86 വീ​ടു​ക​ൾ പി​എം​എ​വൈ അ​ർ​ബ​ൻ വി​ഭാ​ഗ​ത്തി​ലും 32,171വീ​ടു​ക​ൾ പി​എം​എ​വൈ ഗ്രാ​മീ​ൺ വി​ഭാ​ഗ​ത്തി​ലു​മാ​ണ്. പി​എം​എ​വൈ അ​ർ​ബ​ൻ വി​ഭാ​ഗ​ത്തി​ൽ കേ​ന്ദ്ര​വി​ഹി​ത​മാ​യ 1.5 ല​ക്ഷം രൂ​പ​യ്ക്കു പു​റ​മേ 2.50 ല​ക്ഷം രൂ​പ ഗു​ണ​ഭോ​ക്താ​വി​നു ന​ൽ​കു​ന്ന​ത് സം​സ്ഥാ​ന​വും ത​ദ്ദേ​ശ സ്ഥാ​പ​ന​ങ്ങ​ളു​മാ​ണ്. പി​എം​എ​വൈ ഗ്രാ​മീ​ൺ വി​ഭാ​ഗ​ത്തി​ൽ 3.28ല​ക്ഷം രൂ​പ​യും അ​ധി​ക​മാ​യി ന​ൽ​കു​ന്നു. സ്വ​ന്തം ധ​ന​സ്രോ​ത​സു​ക​ളി​ൽ നി​ന്ന് അ​ധി​ക സം​ഭാ​വ​ന വ​ഴി പി​എം​എ​വൈ പ​ദ്ധ​തി ശ​ക്തി​പ്പെ​ടു​ത്തു​ക​യാ​ണ് സം​സ്ഥാ​നം ചെ​യ്യു​ന്ന​തെ​ന്നും രാ​ജേ​ഷി​ന്‍റെ ക​ത്തി​ൽ പ​റ​യു​ന്നു.