കുസാറ്റ് ദുരന്തം : നവ കേരള സദസിലെ ആഘോഷ പരിപാടികൾ ഒഴിവാക്കി ; മുഖ്യമന്ത്രിയുടെ നേതൃത്വത്തിൽ അടിയന്തര യോ​ഗം

കോഴിക്കോട് : കുസാറ്റിലുണ്ടായ ദാരുണ അപകടത്തിനു പിന്നാലെ മുഖ്യമന്ത്രി പിണറായി വിജയന്റെ നേതൃത്വത്തിൽ അടിയന്തര യോ​ഗം ചേർന്നു. നവ കേരള സദസിന്റെ ഭാ​ഗമായി മുഖ്യമന്ത്രിയും മന്ത്രിമാരും കോഴിക്കോടാണ്. കോഴിക്കോട് ​ഗസ്റ്റ് ഹൗസിലായിരുന്നു യോ​ഗം. 

ദുഃഖസൂചകമായി നാളെ നവ കേരള സദസുമായി ബന്ധപ്പെട്ട ആഘോഷ പരിപാടികളെല്ലാം ഒഴിവാക്കി. യോ​ഗത്തിൽ മരിച്ച വിദ്യർഥികൾക്ക് അനുശോചനം രേഖപ്പെടുത്തി.

മന്ത്രിമാരായ പി രാജീവ്, ആർ ബിന്ദു എന്നിവർ കളമശ്ശേരിയിലേക്ക് യാത്ര തിരിച്ചിട്ടുണ്ട്. ഇരുവരും ഉടൻ എത്തും. ഇരുവർക്കുമാണ് ഏകോപന ചുമതല. അരോ​ഗ്യ മന്ത്രി വീണ ജോർജ് ചികിത്സ സംബന്ധിച്ച കാര്യങ്ങളിൽ ഏകോപനമുണ്ടാക്കും.