സാഹിത്യകാരി പി. വത്സലയുടെ സംസ്‌കാരം ഇന്ന്, കോഴിക്കോട് ടൗണ്‍ഹാളില്‍ പൊതുദര്‍ശനം
തുരക്കാനുള്ളത് അഞ്ച് മീറ്റർ മാത്രം; സിൽക്യാര തുരങ്കത്തിൽ രക്ഷാപ്രവർത്തനം ഇന്ന് പുനരാരംഭിക്കും
November 24, 2023
അമ്മ ആശുപത്രിയില്‍, നാല് മാസം പ്രായമുള്ള കുഞ്ഞിന് മുലപ്പാലിന്‍റെ സ്‌നേഹം പകര്‍ന്ന് ‘പൊലീസമ്മ’
November 24, 2023
കോഴിക്കോട്: അന്തരിച്ച സാഹിത്യകാരി പി. വത്സലയുടെ സംസ്‌കാരം ഇന്ന് വൈകീട്ട് നാലിന് വെസ്റ്റ്ഹില്‍ ശ്മശാനത്തില്‍ നടക്കും. രാവിലെ മുതല്‍ 12വരെ വെള്ളിമാട്കുന്നിലെ ‘അരുണ്‍’ എന്ന വീട്ടിലും 12 മുതല്‍ മൂന്നുവരെ കോഴിക്കോട് ടൗണ്‍ഹാളിലും പൊതുദര്‍ശനത്തിന് വെക്കും.
വൈകീട്ട് അഞ്ചിന് ടൗണ്‍ഹാളില്‍ അനുശോചന യോഗം ചേരും. ചൊവ്വാഴ്ച രാത്രി 11ന് മുക്കത്തെ സ്വകാര്യ ആശുപത്രിയിലായിരുന്നു മലയാളത്തിന്‍റെ പ്രിയ സാഹിത്യകാരിയുടെ അന്ത്യം. കേരളസാഹിത്യ അക്കാദമി അധ്യക്ഷയായിരുന്നു.
ഇരുപതോളം നോവലുകളും മുന്നൂറിലധികം ചെറുകഥകളും ബാലസാഹിത്യകൃതികളും ജീവചരിത്ര ഗ്രന്ഥങ്ങളും യാത്രാവിവരണങ്ങളും എഴുതിയിട്ടുണ്ട്. വയനാട്ടിലെ ആദിവാസി ജീവിതത്തെ വിവരിക്കുന്ന ‘നെല്ല്’ എന്ന നോവലിലൂടെയാണ് വത്സല ഏറെ ശ്രദ്ധ നേടുന്നത്.
എഴുത്തച്ഛന്‍ പുരസ്‌കാരം, കേരള സാഹിത്യ അക്കാദമി പുരസ്‌കാരം തുടങ്ങിയവ ഉള്‍പ്പെടെ നിരവധി അവാര്‍ഡുകള്‍ ലഭിച്ചിരുന്നു. 2007ല്‍ സമഗ്രസംഭാവനയ്ക്കുള്ള കേരള സാഹിത്യ അക്കാദമിയുടെ അവാര്‍ഡും 2019ല്‍ കേരള സാഹിത്യ അക്കാദമി വിശിഷ്ടാംഗത്വവും ലഭിച്ചു.
