ആലുവയിലെ അഞ്ചുവയസുകാരിയുടെ സഹായധനം തട്ടിയ കേസ് : കോണ്‍ഗ്രസ് നേതാക്കളായ ദമ്പതികള്‍ ഒളിവില്‍
നടിയെ ആക്രമിച്ച കേസ്: ദിലീപിന്‍റെ ജാമ്യം റദ്ദാക്കണമെന്ന ക്രൈം ബ്രാഞ്ച് അപ്പീൽ ഇന്ന് പരിഗണിക്കും
November 20, 2023
ഹമാസ് ബന്ദിയാക്കിയിരിക്കുന്ന ആളുകളെ അല്‍ ശിഫ ആശുപത്രിക്കുള്ളിലേക്ക് കൊണ്ടുപോകുന്ന ദൃശ്യങ്ങള്‍ പുറത്തുവിട്ട് ഇസ്രയേല്‍ സേന
November 20, 2023
കൊച്ചി: ആലുവയില്‍ പീഡനത്തിന് ഇരയായി കൊല്ലപ്പെട്ട അഞ്ചുവയസുകാരിയുടെ കുടുംബത്തെ കബളിപ്പിച്ച് സഹായധനം തട്ടിയ കേസില്‍ കോണ്‍ഗ്രസ് നേതാക്കളായ ദമ്പതികള്‍ ഒളിവില്‍. ഇരുവര്‍ക്കുമായി പൊലീസ് അന്വേഷണം ഊര്‍ജ്ജിതമാക്കി. ഇതിനിടെ ഹൈക്കോടതിയെ സമീപിച്ച് മുന്‍കൂര്‍ ജാമ്യം നേടാനും ശ്രമം നടക്കുന്നതായി പൊലീസിന് വിവരം ലഭിച്ചിട്ടുണ്ട്.
ആലുവയില്‍ പീഡനത്തിന് ഇരയായി കൊല്ലപ്പെട്ട അഞ്ചുവയസ്സുകാരിയുടെ കുടുംബത്തെ കബളിപ്പിച്ച് പണം തട്ടിയ കേസില്‍ ഒളിവില്‍ പോയ കോണ്‍ഗ്രസ് നേതാക്കളായ ദമ്പതികള്‍ക്കായി തിരച്ചില്‍ ഊര്‍ജ്ജിതമാക്കിയിരിക്കുകയാണ് പൊലീസ്. ചൂര്‍ണിക്കര തായിക്കാട്ടുകര കോട്ടക്കല്‍വീട്ടില്‍ മുനീര്‍ ഭാര്യ ഹസീന എന്നിവരാണ് കേസില്‍ പൊലീസ് അന്വേഷഷം തുടങ്ങിയതോടെ ഒളിവില്‍ പോയത്. കഴിഞ്ഞ ദിവസങ്ങളില്‍ ഇവരെ തേടി പൊലീസ് ചൂര്‍ണിക്കരയിലെ വീട്ടിലെത്തിയെങ്കിലും കണ്ടെത്താന്‍ സാധിച്ചില്ല. മുനീറും ഹസീനയും പോകാന്‍ സാധ്യതയുള്ള സ്ഥലങ്ങളില്‍ അന്വേഷണ സംഘം തിരച്ചില്‍ നടത്തിവരുകയാണ്. ഇരുവരുടെയും മൊബൈല്‍ ഫോണുകള്‍ സ്വിച്ച് ഓഫ് ചെയ്ത നിലയിലാണ്. മുനീറും ഭാര്യയും ഹൈക്കോടതിയില്‍ നിന്ന് മുന്‍കൂര്‍ ജാമ്യം നേടാന്‍ ശ്രമം തുടങ്ങിയതായി പൊലീസിന് വിവരം ലഭിച്ചിട്ടുണ്ട്. അതേ സമയം, കേസില്‍ കുട്ടിയുടെ അച്ഛനില്‍ നിന്ന് വിശദമായ മൊഴി പൊലീസ് വീണ്ടും എടുക്കാനാണ് ആലോചന.
