സീരിയൽ സിനിമാ താരം രഞ്ജുഷ മേനോൻ തൂങ്ങി മരിച്ചു

തിരുവനന്തപുരം: സീരിയൽ സിനിമാ താരം  രഞ്ജുഷ മേനോൻ വീടിനുള്ളിൽ മരിച്ച നിലയിൽ. 35 വയസായിരുന്നു. തിരുവനന്തപുരം ശ്രീകാര്യത്തെ ഫ്ളാറ്റിലാണ് തൂങ്ങി മരിച്ച നിലയിൽ കണ്ടെത്തി. നിരവധി സിനിമകളിലും സീരിയലുകളിലും അഭിനയിച്ചിട്ടുണ്ട്. സി​റ്റി ഓ​ഫ് ഗോ​ഡ്, മേ​രി​ക്കുണ്ടൊരു​ ​കു​ഞ്ഞാ​ട്, ലി​സ​മ്മ​യു​ടെ വീ​ട്, ബോം​ബെ മാ​ർ​ച്ച് 12, ത​ല​പ്പാ​വ്, വാ​ദ്ധ്യാ​ർ, വ​ൺ​വേ ടി​ക്ക​റ്റ്, കാ​ര്യ​സ്ഥ​ൻ, അ​ത്ഭു​ത ദ്വീ​പ് തു​ട​ങ്ങി​യ സി​നി​മ​ക​ളി​ൽ വേ​ഷ​മി​ട്ടി​ട്ടു​ണ്ട്.

സ്ത്രീ ​എ​ന്ന സീ​രി​യ​ലി​ലൂ​ടെ​യാ​ണ് മി​നി​സ്‌​ക്രീ​നി​ൽ ര​ഞ്ജു​ഷ അ​ഭി​നേ​താ​വാ​യി അ​ര​ങ്ങേ​റ്റം കു​റി​ച്ച​ത്. ഇ​രു​പ​ത്തി​ര​ണ്ടി​ല​ധി​കം സീ​രി​യ​ലു​ക​ളി​ൽ അ​ഭി​ന​യി​ച്ചി​ട്ടു​ണ്ട്. സൂര്യ ടിവിയിലെ ആനന്ദരാഗം, കൗമുദിയിലെ വരന്‍ ഡോക്ടറാണ്, എന്റെ മാതാവ് തുടങ്ങിയ സീരിയലുകളില്‍ അഭിനയിച്ചുകൊണ്ടിരിക്കുകയായിരുന്നു. വര്‍ഷങ്ങളായി ഭര്‍ത്താവും കുട്ടികളുമൊത്ത് ഫ്‌ളാറ്റില്‍ വാടകയ്ക്ക് താമസിക്കുകയായിരുന്നു. ഇന്ന് രാവിലെ എട്ട് മണിയോടെ ഭർത്താവ് പുറത്തേക്ക് പോയി. സീരിയലിന്റെ ഷൂട്ടിങ് സെറ്റിൽ നിന്ന് വിളിച്ചിട്ടും രഞ്ജുഷയെ ബന്ധപ്പെടാനാവാത്തതിനാൽ ഇവർ ഭർത്താവിനെ വിളിച്ചു. പലപ്രാവശ്യം വിളിച്ചിട്ടും ഫോൺ എടുക്കാതിരുന്നതോടെ ഭർത്താവ് തിരിച്ചെത്തി ഏണിവച്ച് ഫ്ളാറ്റിൽ കയറി നോക്കിയപ്പോഴാണ് മുറിക്കുള്ളിൽ തൂങ്ങി മരിച്ച നിലയിൽ കണ്ടെത്തിയത്.  മരണകാരണം വ്യക്തമല്ല. ശ്രീകാര്യം പൊലീസ് സ്ഥലത്തെത്തി ഇന്‍ക്വസ്റ്റ് നടപടികള്‍ ആരംഭിച്ചു.