കേന്ദ്ര സര്‍ക്കാര്‍ ഏര്‍പ്പെടുത്തിയ നി​രോ​ധ​ന​ത്തി​നെ​തി​രെ പോപുലർ ഫ്രണ്ട് സുപ്രിംകോടതിയിൽ

ന്യൂ​ഡ​ല്‍​ഹി: : കേന്ദ്ര സര്‍ക്കാര്‍ ഏര്‍പ്പെടുത്തിയ നി​രോ​ധ​ന​ത്തി​നെ​തി​രേ സു​പ്രീം​കോ​ട​തി​യെ സ​മീ​പി​ച്ച് പോ​പ്പു​ല​ര്‍ ഫ്ര​ണ്ട് ഓ​ഫ് ഇ​ന്ത്യ(​പി​എ​ഫ്‌​ഐ). നി​രോ​ധ​നം ശ​രി​വ​ച്ച യു​എ​പി​എ ട്രൈ​ബ്യൂ​ണ​ലി​ന്‍റെ തീ​രു​മാ​നം ചോ​ദ്യം ചെ​യ്തു​കൊ​ണ്ടാ​ണ് ഹ​ര്‍​ജി.

2022 സെ​പ്റ്റം​ബ​റി​ലാ​ണ് കേ​ന്ദ്ര ആ​ഭ്യ​ന്ത​ര​മ​ന്ത്രാ​യ​ല​യം പോ​പ്പു​ല​ര്‍ ഫ്ര​ണ്ടി​നെ​യും എ​ട്ട് അ​നു​ബ​ന്ധ സം​ഘ​ട​ന​ക​ളെ​യും നി​രോ​ധി​ച്ച​ത്. റീഹാബ് ഇന്ത്യ ഫൗണ്ടേഷൻ, കാംപസ് ഫ്രണ്ട് ഓഫ് ഇന്ത്യ അടക്കം ഏഴ് കീഴ്ഘടകങ്ങളെയും മന്ത്രാലയം നിരോധിച്ചിരുന്നു. രാ​ജ്യ​വി​രു​ദ്ധ പ്ര​വ​ര്‍​ത്ത​ന​ങ്ങ​ള്‍ ന​ട​ത്തി​യെ​ന്നും 2044ഓ​ടെ അ​ട്ടി​മ​റി ഭ​ര​ണ​ത്തി​ന് വേ​ണ്ട നി​ല​പാ​ടു​ക​ള്‍ സ്വീ​ക​രി​ച്ചെ​ന്നും ആ​രോ​പി​ച്ചാ​യി​രു​ന്നു ന​ട​പ​ടി. ഇ​തി​ന് പി​ന്നാ​ലെ 2023 മാ​ര്‍​ച്ചി​ല്‍ യു​എ​പി​എ ട്രൈ​ബ്യൂ​ണ​ല്‍ ഈ ​തീ​രു​മാ​നം ശ​രി​വ​ച്ചി​രു​ന്നു. ഇ​തി​നെ​തി​രേ​യാ​ണ് പി​എ​ഫ്‌​ഐ സു​പ്രീം​കോ​ട​തി​യെ സ​മീ​പി​ച്ച​ത്. ത​ങ്ങ​ളു​ടെ ഭാ​ഗം കേ​ള്‍​ക്കാ​തെ​യാ​ണ് സം​ഘ​ട​ന​യെ നി​രോ​ധി​ച്ച​തെ​ന്ന് ചൂ​ണ്ടി​ക്കാ​ട്ടി​യാ​ണ് ഹ​ര്‍​ജി.

ഹർജിയിൽ സുപ്രിം കോടതി ഇന്ന് വാദം കേട്ടേക്കും. ജസ്റ്റിസ് അനിരുദ്ധ ബോസ്, ബേല എം ത്രിവേദി എന്നിവരടങ്ങുന്ന ബഞ്ചാകെ മുമ്പാകെ ഹർജി ലിസ്റ്റ് ചെയ്തിട്ടുണ്ട്.രാജ്യത്തിന്റെ മതസൗഹാർദ അന്തരീക്ഷം തകർക്കുന്നതും ഭീകരവാദത്തെ പിന്തുണയ്ക്കുന്നതുമാണ് പോപുലർ ഫ്രണ്ടിന്റെ പ്രവർത്തനം എന്നാണ് ആഭ്യന്തര മന്ത്രാലയം നിരോധനത്തിന് കാരണമായി പറഞ്ഞിരുന്നത്. രാജ്യത്തിന്റെ അഖണ്ഡതയ്ക്കും പരമാധികാരത്തിനും സുരക്ഷയ്ക്കും എതിരാണ് ഇത്തരം പ്രവർത്തനങ്ങളെന്നും സർക്കാർ കുറ്റപ്പെടുത്തിയിരുന്നു. പോപുലർ ഫ്രണ്ട് ഓഫീസുകൾക്കും നേതാക്കൾക്കുമെതിരെ അഞ്ചു ദിവസങ്ങളിൽ നടത്തിയ വൻ റെയ്ഡിനു ശേഷമായിരുന്നു നിരോധനം.