ഇസ്രയേല്‍ ഹമാസ് പോരാട്ടം : ഇസ്രയേലില്‍ നിന്ന് എയര്‍ ഇന്ത്യ ജീവനക്കാരെ ഒഴിപ്പിച്ചു
പശ്ചിമേഷ്യയെ ചോരക്കളമാക്കി ഇസ്രയേലും ഹമാസും ; ഹമാസിനെ പിന്തുണച്ച് ഹിസ്ബുള്ളയും
October 8, 2023
നിങ്ങൾക്ക് ‘ഇന്ത്യ’ ഉപയോഗിക്കാൻ താൽപ്പര്യമില്ലെങ്കിൽ, നിങ്ങൾക്ക് ‘ഹിന്ദു’വും ഉപയോഗിക്കാൻ കഴിയില്ല : ശശി തരൂർ
October 8, 2023
ടെല്‍ അവീവ് : ഹമാസുമായുള്ള യുദ്ധം തുടരുന്ന സാഹചര്യത്തില്‍, ഇസ്രയേലില്‍ നിന്ന് എയര്‍ ഇന്ത്യ ജീവനക്കാരെ ഒഴിപ്പിച്ചു. പത്ത് ജീവനക്കാരെ എതോപ്യന്‍ നഗരമായ അഡിസ് അബാബയിലെത്തിച്ചു. ഇവരെ ഇവിടെനിന്ന് ഇന്ത്യയിലെത്തിക്കും.
കഴിഞ്ഞദിവസം റദ്ദാക്കിയ എയര്‍ ഇന്ത്യ വിമാനത്തിലെ ജീവനക്കാരെയാണ് എതോപ്യയിലേക്ക് മാറ്റിയത്. ശനിയാഴ്ച ഡല്‍ഹിയില്‍ നിന്ന് ടെല്‍ അവീവിലേക്കും തിരിച്ചും പറക്കേണ്ടിയിരുന്നു വിമാനങ്ങള്‍ സുരക്ഷാ പ്രശ്‌നങ്ങള്‍ മുന്‍നിര്‍ത്തി എയര്‍ ഇന്ത്യ റദ്ദാക്കിയിരുന്നു.
ഇതോടെയാണ്, ജീവനക്കാര്‍ ടെല്‍ അവീവില്‍ കുടുങ്ങിയത്. തുടര്‍ന്ന് ഇവരെ, ഇസ്രയേല്‍ സൈന്യത്തിന്റെ സഹായത്തോടെ എതോപ്യയിലേക്ക് മാറ്റുകയായിരുന്നു. ഒക്ടോബര്‍ 14 വരെയുള്ള വിമാന സര്‍വീസുകള്‍ റദ്ദാക്കിയതായി എയര്‍ ഇന്ത്യ അറിയിച്ചിട്ടുണ്ട്.
