സനാതന ധർമ്മ വിവാദം : നയം വക്തമാക്കി കോൺഗ്രസ്
ചെറുതോണി അണക്കെട്ടിൽ സുരക്ഷ വീഴ്ച ;പൊലീസ് കേസെടുത്തു
September 7, 2023
പഴയങ്ങാടി ഫെഡറൽ ബാങ്കിൽ മുക്കുപണ്ടം പണയം വച്ച് ലക്ഷങ്ങൾ തട്ടി
September 7, 2023
ന്യൂഡൽഹി : സനാതന ധർമ്മത്തെക്കുറിച്ച് ഡിഎംകെ നേതാക്കളായ ഉദയനിധി സ്റ്റാലിനും എ. രാജയും നടത്തിയ പരാമർശത്തിൽ വിയോജിപ്പുമായി കോൺഗ്രസ്. തങ്ങൾ “സർവ ധർമ്മ സംഭവ’ത്തിൽ (എല്ലാ മതങ്ങളോടും തുല്യ ബഹുമാനം) വിശ്വസിക്കുന്നുവെന്ന് കോൺഗ്രസ് വ്യക്തമാക്കി.
“ഇന്ത്യ’ സഖ്യത്തിലെ ഓരോ അംഗത്തിനും എല്ലാ വിശ്വാസങ്ങളോടും സമുദായങ്ങളോടും വിശ്വാസങ്ങളോടും വലിയ ബഹുമാനമുണ്ടെന്നും കോൺഗ്രസ് പറഞ്ഞു. കോൺഗ്രസിന്‍റെ മാധ്യമ വിഭാഗം മേധാവി പവൻ ഖേരയാണ് ഇക്കാര്യം വ്യക്തമാക്കിയത്.
“എല്ലാ മതങ്ങൾക്കും എല്ലാ വിശ്വാസങ്ങൾക്കും അതിന്‍റേതായ ഇടമുള്ള ‘സർവധർമ്മ സംഭവ’ത്തിലാണ് കോൺഗ്രസ് എപ്പോഴും വിശ്വസിക്കുന്നത്. ഒരു പ്രത്യേക വിശ്വാസത്തെ ആർക്കും കുറച്ചുകാണാൻ കഴിയില്ല.
ഈ പ്രശ്നങ്ങൾ ഡിഎംകെയുമായി ചർച്ച ചെയ്യേണ്ട ആവശ്യമില്ലെന്ന് ഖേര പറഞ്ഞു, കാരണം തങ്ങളുടെ ഓരോ ഘടകകക്ഷികളും എല്ലാ മതങ്ങളെയും ബഹുമാനിക്കുന്നുണ്ടെന്ന് അറിയാമെന്നും പവൻ ഖേര കൂട്ടിച്ചേർത്തു.
സനാതനധർമം സമൂഹത്തിൽനിന്ന് ഉന്മൂലനം ചെയ്യുന്നതിനെ ആസ്പദമാക്കി ചെന്നൈയിൽ തമിഴ്നാട് പ്രോഗ്രസീവ് റൈറ്റേഴ്സ്, ആർട്ടിസ്റ്റ്സ് അസോസിയേഷൻ സംഘടിപ്പിച്ച കോൺഫറൻസിലായിരുന്നു ഉദയനിധിയുടെ വിവാദ പരാമർശം.
സനാതനധർമം സാമൂഹ്യനീതിക്ക് എതിരാണെന്നും അതിനെ ഉന്മൂലനം ചെയ്യാനായാൽ സമൂഹത്തിൽനിന്ന് നിരവധി തിന്മകൾ ഒഴിവാകുമെന്നും പറഞ്ഞ അദ്ദേഹം, ഡെങ്കിയെയും മലേറിയയെയും കൊറോണയെയും ഉന്മൂലനം ചെയ്തതുപോലെ സനാതന ധർമത്തെയും ഉന്മൂലനം ചെയ്യണമെന്നും പറഞ്ഞു.
ജനത്തെ ജാതിയുടെയും മതത്തിന്‍റെയും പേരിൽ വേർതിരിക്കുന്നത് സനാതന ധർമ തത്വമാണെന്നും ഇത് ഇല്ലാതാക്കിയാൽ മാനവികതയും തുല്യതയും ഉറപ്പാക്കാനാകുമെന്നും അദ്ദേഹം പറഞ്ഞു. സനാതനം എന്ന വാക്ക് സംസ്കൃതത്തിൽനിന്നുള്ളതാണെന്നും തുല്യതയ്ക്കും സാമൂഹ്യനീതിക്കും എതിരാണിതെന്നുമായിരുന്നു ഉദയനിധിയുടെ പരാമർശം.
