ചെന്നൈ-കോഴിക്കോട് കല്ലട ബസ് മറിഞ്ഞ് രണ്ടു പേര്‍ മരിച്ചു, അപകടം നടന്നത് പാലക്കാട് തിരുവാഴിയോട്

പാലക്കാട് : ചെന്നൈ-കോഴിക്കോട് കല്ലട ബസ് മറിഞ്ഞ് രണ്ടു പേര്‍ മരിച്ചു . പാലക്കാട് തിരുവാഴിയോട് ഇന്ന് രാവിലെ 7.45നായിരുന്നു അപകടം സംഭവിച്ചത്. ഇ​റ​ക്ക​ത്തി​ൽ നി​യ​ന്ത്ര​ണം വി​ട്ട ബ​സ് ഇ​ല​ക്ട്രി​ക് പോ​സ്റ്റി​ലി​ടി​ച്ച് മ​റി​യു​ക​യാ​യി​രു​ന്നു.

ഒരു പുരുഷനും ഒരു സ്ത്രീയുമാണ് മരിച്ചത്. മ​രി​ച്ച​വ​രി​ൽ ഒ​രാ​ൾ മ​ല​പ്പു​റം എ​ട​യ​ത്തൂ​ർ സ്വ​ദേ​ശി സൈ​ന​ബ ബീ​വി​യാ​ണെ​ന്ന് സ്ഥി​രീ​ക​രി​ച്ചു. ജീവനക്കാര്‍ ഉള്‍പ്പെടെ 38 പേരാണ് ബസില്‍ ഉണ്ടായിരുന്നത്. നിരവധി പേര്‍ക്ക് പരിേക്കറ്റിട്ടുണ്ട്. 20 മനിറ്റോളം മരിച്ച രണ്ടു പേര്‍ കുടുങ്ങിക്കിടന്നിരുന്നു. ബസ് ഉയര്‍ത്തിയ ശേഷമാണ് ഇവരെ പുറത്തെടുത്തത്. അപകടത്തില്‍ പരിക്കേറ്റ രണ്ടു പേരുടെ നില അതീവ ഗുരുതരാവസ്ഥയിലാണ്. പരിക്കേറ്റവരെ സമീപ ആശുപത്രികളിലും പാലക്കാട് ജില്ലാ ആശുപത്രിയിലും പ്രവേശിപ്പിച്ചു. മരിച്ചവരില്‍ ഒരാളുടെ മൃതദേഹം പാലക്കാട് ജില്ലാ ആശുപത്രിയിലും ഒരാളുടെ മൃതദേഹം പെരുന്തല്‍മണ്ണയിലുമാണ് ഉള്ളത്.