മോ​ന്‍​സ​നു​മാ​യു​ള​ള സാ​മ്പ​ത്തി​ക ഇ​ട​പാടെന്ത് ? മോൻസൻ്റെ കള്ളപ്പണക്കേസിൽ കെ സുധാകരൻ ഇന്ന് ഇഡിക്ക് മുന്നിൽ

കൊ​ച്ചി: മോ​ന്‍​സ​ണ്‍ മാ​വു​ങ്ക​ല്‍ പു​രാ​വ​സ്തു ത​ട്ടി​പ്പി​ലെ ക​ള​ള​പ്പ​ണ​ക്കേ​സി​ല്‍ കെ​പി​സി​സി അ​ധ്യ​ക്ഷ​ന്‍ കെ.​സു​ധാ​ക​ര​ന്‍ ചൊ​വ്വാ​ഴ്ച ചോ​ദ്യം​ചെ​യ്യ​ലി​ന് എ​ന്‍​ഫോ​ഴ്‌​സ്‌​മെന്‍റ് ഡ​യ​റ​ക്‌​ട്രേ​റ്റിന് മു​ന്നി​ല്‍ ഹാ​ജ​രാ​കും. രാ​വി​ലെ 10ന് ​കൊ​ച്ചി​യി​ലെ ഓ​ഫീ​സി​ലാ​ണ് ചോ​ദ്യം ചെ​യ്യ​ല്‍.നേരത്തെ 18ന് ഹാജരാകാൻ നോട്ടീസ് നൽകിയിരുന്നെങ്കിലും അസൗകര്യം ചൂണ്ടിക്കാട്ടി സുധാകരൻ ഹാജരായില്ല.

മോ​ന്‍​സ​നു​മാ​യു​ള​ള സാ​മ്പ​ത്തി​ക ഇ​ട​പെ​ട​ലാ​ണ് ചോ​ദി​ച്ച​റി​യു​ക. കള്ളപ്പണക്കേസുമായി ബന്ധപ്പെട്ടാണ് സുധാകരനെ ഇഡി വിളിപ്പിച്ചിരിക്കുന്നത്. മോൻസണുമായുള്ള ബന്ധം, ഇടപാടുകളുണ്ടായിരുന്നോ, മോൻസൻ്റെ വീട്ടിൽവച്ച് കണ്ടുമുട്ടിയിട്ടുള്ള വ്യക്തികൾ എന്നിവയിലാണ് കെ സുധാകരനിൽനിന്നും ഇ.ഡി വ്യക്തത തേടുക. മോൻസണിൽ നിന്ന് കെ സുധാകരൻ 10 ലക്ഷം രൂപ വാങ്ങുന്നത് കണ്ടുവെന്ന ദൃക്സാക്ഷികളുടെ രഹസ്യമൊഴിയുണ്ടായിരുന്നു.ഇതിനു പുറമേ തൃശ്ശൂർ സ്വദേശി അനൂപ്, മോൻസന്‌ 25 ലക്ഷം രൂപ നൽകിയതിന് സുധാകരൻ ഇടനില നിന്നെന്ന പരാതിക്കാരന്റെ മൊഴിയുടെയും അടിസ്ഥാനത്തിലാണ് ഇ.ഡി സുധാകരനെ വിളിപ്പിക്കുന്നത്.

ചോ​ദ്യംചെ​യ്യ​ലി​ല്‍ ആ​ശ​ങ്ക​യി​ല്ലെ​ന്ന് സു​ധാ​ക​ര​ന്‍ പ​റ​ഞ്ഞു. 2018 ന​വം​ബ​റി​ലാ​യി​രു​ന്നു പ​ണം കൈ​മാ​റി​യ​തെ​ന്ന് കേ​സി​ലെ പ​രാ​തി​ക്കാ​രാ​യ അ​നൂ​പ് അ​ഹ​മ്മ​ദും മൊ​ഴി ന​ല്‍​കി​യി​ട്ടു​ണ്ട്. ഇ​ത​ട​ക്ക​മു​ള്ള സാ​മ്പ​ത്തി​ക ഇ​ട​പാ​ടി​ലാ​ണ് ഇ​ഡി അ​ന്വേ​ഷ​ണം.നേ​ര​ത്തെ, പു​രാ​വ​സ്തു ത​ട്ടി​പ്പ് കേ​സി​ല്‍ സു​ധാ​ക​ര​നെ അ​റ​സ്റ്റ് ചെ​യ്ത് വി​ട്ട​യ​ച്ചി​രു​ന്നു.10 കോ​ടി​യു​ടെ ത​ട്ടി​പ്പു​കേ​സി​ലാ​ണ് സു​ധാ​ക​ര​നെ അ​റ​സ്റ്റ് ചെ​യ്ത് വി​ട്ട​യ​ച്ച​ത്. കേ​സി​ല്‍ ഡി​ഐ​ജി എ​സ്. സു​രേ​ന്ദ്ര​നെ ക​ഴി​ഞ്ഞദി​വ​സം ഇ​ഡി ചോ​ദ്യം ചെ​യ്തി​രു​ന്നു. മോ​ന്‍​സ​ന്‍റെ അ​ക്കൗ​ണ്ടി​ല്‍ നി​ന്ന് ഡി​ഐ​ജി​യു​ടെ ഭാ​ര്യ​യു​ടെ അ​ക്കൗ​ണ്ടി​ലേ​ക്ക് പ​ല ത​വ​ണ​ക​ളാ​യി പ​ണം എ​ത്തി​യ​താ​യി ഇ​ഡി ക​ണ്ടെ​ത്തി​യി​രു​ന്നു. എ​ന്നാ​ല്‍ മോ​ന്‍​സ​ന്റെ സാ​മ്പ​ത്തി​ക ഇ​ട​പാ​ടി​ല്‍ പ​ങ്കി​ല്ലെ​ന്നാ​ണ് സു​രേ​ന്ദ്രന്‍റെ മൊ​ഴി. ത​ട്ടി​പ്പ് കേ​സി​ല്‍ ക്രൈം​ബ്രാ​ഞ്ചും അ​ന്വേ​ഷ​ണം ശ​ക്ത​മാ​ക്കി​യി​ട്ടു​ണ്ട്. കേ​സി​ലെ മു​ഖ്യ ആ​സൂ​ത്ര​ക​ന്‍ ഐ​ജി ല​ക്ഷ്ണ്‍ ആ​ണെ​ന്ന് ക​ഴി​ഞ്ഞ​ദി​വ​സം ക്രൈം​ബ്രാ​ഞ്ച് ഹൈ​ക്കോ​ട​തി​യി​ല്‍ സ​മ​ര്‍​പ്പി​ച്ച റി​പ്പോ​ര്‍​ട്ടി​ല്‍ വ്യ​ക്ത​മാ​ക്കി​യി​രു​ന്നു.