പ്രിയ സംവിധായകന്‍ സിദ്ദിഖിന് വിട നല്‍കി സാംസ്‌കാരിക കേരളം
‘എനിക്കറിയില്ല. ഞാനതു കണ്ടില്ല.’ ഫ്‌ളൈയിങ് കിസ് വിവാദത്തിൽ സ്മൃതി ഇറാനിയെ തള്ളി ഹേമമാലിനി
August 9, 2023
പ്രതിപക്ഷം യഥാർഥ പ്രശ്നങ്ങളല്ല ഉയർത്തുന്നത് ; അവിശ്വാസ പ്രമേയം ജനങ്ങളെ തെറ്റിദ്ധരിപ്പിക്കാന്‍ : അമിത് ഷാ
August 9, 2023
കൊച്ചി : മലയാളിയത്തിന്റെ പ്രിയ സംവിധായകന്‍ സിദ്ദിഖിന് വിട നല്‍കി സാംസ്‌കാരിക കേരളം. മൃതദേഹം എറണാകുളം സെന്‍ട്രല്‍ ജുമാ മസ്ജിദില്‍ ഖബറടക്കി. ഔദ്യോഗിക ബഹുമതികളോടെയാണ് ഖബറടക്കം നടന്നത്. കടവന്ത്ര രാജീവ് ഗാന്ധി ഇന്‍ഡോര്‍ സ്റ്റേഡിയത്തില്‍ മൃതദേഹം പൊതുദര്‍ശനത്തിന് വെച്ചപ്പോള്‍ ആയിരങ്ങളാണ് സിദ്ദിഖിനെ അവസാനമായി കാണാന്‍ ഒഴുകിയെത്തിയത്. സിദ്ദിഖിന്റെ ഏറ്റവും അടുത്ത സുഹൃത്ത് ലാല്‍, സംസ്‌കാര ചടങ്ങുകള്‍ വരെ മൃതദേഹത്തിന് ഒപ്പമുണ്ടായിരുന്നു. പൊതുദര്‍ശന വേളയില്‍ പതലവണ ലാല്‍ സങ്കടം സഹിക്കാനാകാതെ വിങ്ങിപ്പൊട്ടി. മമ്മൂട്ടി, ദുല്‍ഖര്‍ സല്‍മാന്‍, നസ്രിയ, ജയറാം, വിനീത്, മിഥുന്‍ രമേഷ്, ബീന ആന്റണി, ജോണി ആന്റണി, ബി. ഉണ്ണിക്കൃഷ്ണന്‍ തുടങ്ങി നിരവധിപേര്‍ സിദ്ദിഖിന് അന്ത്യാഞ്ജലി അര്‍പ്പിക്കാനെത്തി.
