മുൻ സ്പീക്കറും മന്ത്രിയുമായ വക്കം പുരുഷോത്തമൻ അന്തരിച്ചു

തിരുവനന്തപുരം: മുതിർന്ന കോൺഗ്രസ് നേതാവും മുൻ സ്പീക്കറും മന്ത്രിയുമായ വക്കം പുരുഷോത്തമൻ അന്തരിച്ചു. 96 വയസായിരുന്നു. മിസോറം, ത്രിപുര മുൻ ഗവർണറും ആന്തമാൻ നിക്കോബാർ മുൻ ലെഫ്. ഗവർണറുമാണ്.  തി​രു​വ​ന​ന്ത​പു​രം കു​മാ​ര​പു​ര​ത്തെ വ​സ​തി​യി​ലാ​യി​രു​ന്നു അ​ന്ത്യം . രണ്ടു തവണ കേരള നിയമസഭയിൽ സ്പീക്കറും മൂന്നു തവണ മന്ത്രിയുമായിരുന്നു. രണ്ടു തവണ ആലപ്പുഴയിൽനിന്നുള്ള ലോക്‌സഭാ അംഗവുമായി.

കെ​പി​സി​സി വൈ​സ് പ്ര​സി​ഡ​ന്‍റ്, ജ​ന​റ​ല്‍ സെ​ക്ര​ട്ട​റി സ്ഥാ​നം അ​ല​ങ്ക​രി​ച്ചി​ട്ടു​ണ്ട്. ഏ​റ്റ​വും കൂ​ടു​ത​ല്‍ കാ​ലം നി​യ​മ​സ​ഭാ സ്പീ​ക്ക​റാ​യ വ്യ​ക്തി​യെ​ന്ന ബ​ഹു​മ​തി​യും വ​ക്കം പു​രു​ഷോ​ത്ത​മ​ന്‍റെ പേ​രി​ലാ​ണ്. കേ​ര​ളം ക​ണ്ട ഏ​റ്റ​വും ക​ര്‍​ക്ക​ശ​കാ​ര​നാ​യ സ്പീ​ക്ക​ര്‍ എ​ന്ന വി​ശേ​ഷ​ണ​ത്തി​നും അ​ദ്ദേ​ഹം അ​ര്‍​ഹ​നാ​യി​രു​ന്നു.1928 ഏ​പ്രി​ല്‍ 12ന് ​ആ​റ്റി​ങ്ങ​ലി​ലെ വ​ക്ക​ത്ത് ജ​നി​ച്ച അ​ദ്ദേ​ഹം സ്റ്റു​ഡ​ന്‍റ്സ് കോ​ണ്‍​ഗ്ര​സ് എ​ന്ന വി​ദ്യാ​ര്‍​ഥി സം​ഘ​ട​ന​യി​ലൂ​ടെ​യാ​ണ് പൊ​തു​പ്ര​വ​ര്‍​ത്ത​ന രം​ഗ​ത്തേ​ക്ക് ക​ട​ന്ന​ത്. ‌

1953-ല്‍ ​വ​ക്കം ഗ്രാ​മ പ​ഞ്ചാ​യ​ത്ത് അം​ഗ​മാ​യി. പി​ന്നീ​ടാ​ണ് തി​രു​വ​ന​ന്ത​പു​രം ഡി​സി​സി പ്ര​സി​ഡ​ന്‍റ്, കെ​പി​സി​സി വൈ​സ് പ്ര​സി​ഡ​ന്‍റ്, കെ​പി​സി​സി ജ​ന​റ​ല്‍ സെ​ക്ര​ട്ട​റി എ​ന്നീ പ​ദ​വി​ക​ളി​ൽ എ​ത്തി​യ​ത്. 2004ല്‍ ​ഉ​മ്മ​ന്‍ ചാ​ണ്ടി​ക്കൊ​പ്പം മു​ഖ്യ​മ​ന്ത്രി സ്ഥാ​ന​ത്തേ​ക്ക് പ​രി​ഗ​ണി​ക്ക​പ്പെ​ട്ട വ​ക്കം പു​രു​ഷോ​ത്ത​മ​ന്‍ അ​തേ വ​ര്‍​ഷം ഉ​മ്മ​ന്‍ ചാ​ണ്ടി മ​ന്ത്രി​സ​ഭ​യി​ല്‍ ധ​ന​കാ​ര്യ മ​ന്ത്രി​യാ​യി​രു​ന്നു.