കെഎസ്ആര്‍ടിസി ബസില്‍ യുവാവിനെ മർദിച്ച കണ്ടക്ടർക്ക് സസ്‌പെൻഷൻ, ബിഎംഎസ് നേതാവ് വൃദ്ധനെ കൈയ്യേറ്റം ചെയ്ത കേസിലും നടപടി നേരിട്ട വ്യക്തി

തി​രു​വ​ന​ന്ത​പു​രം: കെ​എ​സ്ആ​ർ​ടി​സി ബ​സ് സ്റ്റാ​ൻ​ഡി​ൽ ബ​സി​നു​ള്ളി​ൽ യു​വാ​വിനെ മർദിച്ച കണ്ടക്ടർ സു​രേ​ഷ്കു​മാ​റി​നെ അ​ന്വേ​ഷ​ണ വി​ധേ​യ​മാ​യി സ​സ്പെ​ൻ​ഡു ചെ​യ്തു. സദാചാര പൊലീസിങ് നടത്തി യു​വാ​വി​നെ ബ​സി​നു​ള്ളി​ൽ നി​ല​ത്തി​ട്ടു മ​ർ​ദി​ക്കു​ന്ന ദൃ​ശ്യ​ങ്ങ​ൾ പു​റ​ത്തായതോടെയാണ് ഇത്. കെ​എ​സ്ആ​ർ​ടി​സി വെ​ള്ള​റ​ട ഡി​പ്പോ​യി​ലെ ക​ണ്ട​ക്ട​റും ബി​എം​എ​സ് യൂ​ണി​റ്റ് സെ​ക്ര​ട്ട​റി​യു​മാണ് സു​രേ​ഷ് കു​മാ​ർ. യു​വാ​വ് കാ​ട്ടാ​ക്ക​ട ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. 

കാ​ട്ടാ​ക്ക​ട ഡി​പ്പോ​യി​ൽ ഇ​ന്ന​ലെ രാ​വി​ലെ 11 മ​ണി​യോ​ടെ​യാ​യി​രു​ന്നു സം​ഭ​വം. വെ​ങ്ങാ​നൂ​ർ ബാ​ല​രാ​മ​പു​രം സി​സി​ലി​പു​രം സ്വ​ദേ​ശി​യും പെ​ൻ​പോ​ൾ ജീ​വ​ന​ക്കാ​ര​നു​മാ​യ ഋ​ത്വി​ക് കൃ​ഷ്ണ(23) നെ​യാ​ണു സുരേഷ്‌കുമാർ മ​ർ​ദി​ച്ച​ത്. ഋതിക്കും ബന്ധുവായ പെൺകുട്ടിയുമൊന്നിച്ച് തമ്പാനൂരിൽനിന്ന് ഒരേ സീറ്റിൽ യാത്ര ചെയ്ത് വരികയായിരുന്നു. ഇത് ഇഷ്ടപ്പെടാതെ കണ്ടക്ടർ സുരേഷ്‌ പലതവണ ഇവരെ രൂക്ഷമായി നോക്കുകയും മാറിയിരിക്കാൻ ആവശ്യപ്പെടുകയുംചെയ്തു. ​പരി​ച​യം ഉ​ള്ള ആ​ളാ​കാ​മെ​ന്നു ക​രു​തി ഋ​ത്വി​ക്ക് പ്ര​ത്യ​ഭി​വാ​ദ്യം ചെ​യ്തെ​ങ്കി​ലും ക​ണ്ട​ക്ട​ർ ക​ണ്ട​ഭാ​വം ന​ട​ച്ചി ല്ല.കാട്ടാക്കട സ്റ്റാൻഡിൽ ഇരുവരും ഇറങ്ങാൻ തുടങ്ങവെ സുരേഷ്‌ ഋതിക്കിനെ തെറി വിളിച്ചു. ഇത് ചോദ്യംചെയ്തതോടെ ഋതിക്കിനെ ഷർട്ടിൽ പിടിച്ച് വലിച്ച്‌ നെഞ്ചിൽ കൈചുരുട്ടി ഇടിച്ചു. തലയിൽ ടിക്കറ്റ് റാക്ക് കൊണ്ട് അടിക്കുകയും അടിവയറ്റിൽ ചവിട്ടിവീഴ്‌ത്തുകയും ചെയ്തു. കൊന്നുകളയുമെന്ന് ഭീഷണിപ്പെടുത്തി.

സ്ഥലത്തെത്തിയ പൊലീസിനോട്‌ യുവാവ് തന്നെ മർദിച്ച്‌ ബാഗ് പിടിച്ചുപറിക്കാൻ ശ്രമിച്ചതായി കണ്ടക്ടർ പറഞ്ഞു. ജോലി തടസ്സപ്പെടുത്താന്‍ ശ്രമിച്ചതുള്‍പ്പെടെ ആരോപണങ്ങളുമായി കണ്ടക്ടര്‍ കാട്ടാക്കട പൊലീസിൽ പരാതിനല്‍കി.ഇ​തി​നി​ടെ ബ​സി​ൽ ക​യ​റാ​നെ​ത്തി​യ യാ​ത്രി​ക​രി​ലൊ​രാ​ൾ പ​ക​ർ​ത്തി​യ ദൃ​ശ്യ​ങ്ങ​ളാ​ണ് സാ​മൂ​ഹ മാ​ധ്യ​മ​ങ്ങ​ളി​ൽ പ്ര​ച​രി​ച്ച​ത്. തു​ട​ർ​ന്ന് കാ​ട്ടാ​ക്ക​ട പോ​ലീ​സ് സ്ഥ​ല​ത്തെ​ത്തി ക​ണ്ട​ക്ട​റെ സ്റ്റേ​ഷ​നി​ൽ എ​ത്തി​ച്ചു. എ​ന്നാ​ൽ ടി​ക്ക​റ്റ് റാ​ക്ക് പി​ടി​ച്ചു​വാ​ങ്ങി ജോ​ലി ത​ട​സ​പ്പെ​ടു​ത്തി​യെ​ന്ന് ക​ണ്ട​ക്ട​ർ യു​വാ​വി​നെ​തി​രെ ആ​രോ​പ​ണം ഉ​ന്ന​യി​ച്ചു.വീ​ഡി​യോ ദൃ​ശ്യ​ങ്ങ​ൾ ക​ണ്ട​തോ​ടെ യു​വാ​വി​ന്‍റെ ഭാ​ഗം​കൂ​ടെ അ​ന്വേ​ഷ​ണ​ത്തി​ൽ തെ​ളി​ഞ്ഞ​ശേ​ഷം കൂ​ടു​ത​ൽ ന​ട​പ​ടി എ​ടു​ക്കു​കാ​മെ​ന്ന് പൊലീസ്  നി​ല​പാ​ട് സ്വീ​ക​രി​ച്ചു.

തു​ട​ർ​ന്ന് ആ​ശു​പ​ത്രി​യി​ലെ​ത്തി​യ പൊലീസ്  യു​വാ​വി​ന്‍റെ മൊ​ഴി എ​ടു​ത്ത​പ്പോ​ഴാ​ണ് സ​ദാ​ചാ​ര പൊലീസ്  ച​മ​ഞ്ഞ് ക​ണ്ട​ക്ട​ർ മ​ർ​ദ​നം ന​ട​ത്തി​യ​തെ​ന്ന് മ​ന​സി​ലാ​യ​ത്. ഇ​തോ​ടെ ക​ണ്ട​ക്ട​ർ സു​രേ​ഷ് കു​മാ​റി​നെ​തി​രെ കേ​സെ​ടു​ത്ത്, ഇ​യാ​ളെ അ​റ​സ്റ്റ് ചെ​യ്തു. സുരേഷിനെതിരെ മുമ്പും യാത്രക്കാർ പരാതിപ്പെട്ടിട്ടുണ്ട്‌. ഏതാനും മാസം മുൻപ് പൊട്ടൻകാവ് ജങ്‌ഷനിൽവച്ച് രാത്രി സ്റ്റോപ്പിൽ നിർത്താൻ ആവശ്യപ്പെട്ടതിന്‌ വൃദ്ധനെ ഇയാൾ കയ്യേറ്റം ചെയ്‌തിരുന്നു. ഈ സംഭവത്തിൽ സസ്പെൻഷനിലായ സുരേഷ് വാദിയുമായി ഒത്തുതീർപ്പിലെത്തിയതോടെയാണ്‌ ജോലിയിൽ പ്രവേശിച്ചത്‌.