കാര്യമായ മാറ്റങ്ങള്‍ ഇല്ല ; അനില്‍ ആന്റണി ബിജെപി പുതിയ ദേശീയ സെക്രട്ടറി
തൃശൂർ ജില്ലയിൽ നഴ്സുമാർ പ്രഖ്യാപിച്ച സമ്പൂർണ പണിമുടക്ക് പിൻവലിച്ചു
July 29, 2023
ഡല്‍ഹിയില്‍ കേരള ഗവര്‍ണര്‍ ആരിഫ് മുഹമ്മദ് ഖാന്റെ യാത്രയില്‍ വന്‍ സുരക്ഷാവീഴ്ച
July 29, 2023
ന്യൂഡല്‍ഹി : കോണ്‍ഗ്രസില്‍നിന്ന് ബിജെപിയില്‍ എത്തിയ അനില്‍ ആന്റണിയെ പാര്‍ട്ടി ദേശീയ സെക്രട്ടറിയായി നിയമിച്ചു. എപി അബ്ദുല്ലക്കുട്ടി ദേശീയ ഉപാധ്യക്ഷനായി തുടരും. ബിജെപി ദേശീയ അധ്യക്ഷന്‍ ജെപി നഡ്ഢയാണ് പുതിയ നിയമനങ്ങള്‍ നടത്തിയത്. ലോക്‌സഭാ തെരഞ്ഞെടുപ്പിനു മുമ്പായി കാര്യമായ മാറ്റങ്ങള്‍ ഇല്ലാതെ ബിജെപി സംഘടനാ സംവിധാനം തുടരുമെന്നാണ് പുതിയ നിയമനങ്ങള്‍ നല്‍കുന്ന സൂചന. പതിമൂന്നു ദേശിയ ഉപാധ്യക്ഷന്മാരെയാണ് പ്രഖ്യാപിച്ചിട്ടുള്ളത്. എട്ടു ജനറല്‍ സെക്രട്ടറിമാരെയും പ്രഖ്യാപിച്ചിട്ടുണ്ട്. ഇതില്‍ കേരളത്തില്‍നിന്ന് ആരുമില്ല. പതിമൂന്നു ദേശീയ സെക്രട്ടറിമാരുടെ പട്ടികയിലാണ് അനില്‍ ആന്റണി ഇടംപിടിച്ചത്. സംഘടനാ ജനറല്‍ സെക്രട്ടറിയായി ബിഎല്‍ സന്തോഷ് തുടരുമെന്നും പാര്‍ട്ടി അറിയിച്ചു. സഹ ജനറല്‍ സെക്രട്ടറിയായി ശിവപ്രകാശിനെ നിയമിച്ചിട്ടുണ്ട്. അലിഗഢ് മുസ്ലിം യൂണിവേഴ്‌സിറ്റി മുന്‍ വിസി താരിഖ് മന്‍സൂറിനെ ദേശീയ ഉപാധ്യക്ഷനാക്കി. മന്‍സൂര്‍ നിലവില്‍ ഉത്തര്‍പ്രദേശിലെ ബിജെപി എംഎല്‍സിയാണ്. യുപിയില്‍ നിര്‍ണായക സ്വാധീനമുള്ള പസ്മാന്ദ മുസ്ലിം വിഭാഗത്തില്‍നിന്നുള്ളയാളാണ് മന്‍സൂര്‍. മുന്‍ കേന്ദ്രമന്ത്രി രാധാമോഹന്‍ സിങ്ങിനെ ഉപാധ്യക്ഷ സ്ഥാനത്തുനിന്ന് ഒഴിവാക്കി. കര്‍ണാടകയില്‍നിന്നുള്ള സിടി രവിയെയും അസമില്‍നിന്നുള്ള ദിലീപ് സൈകിയയെയും ജനറല്‍ സെക്രട്ടറി സ്ഥാനത്തുനിന്നും ഒഴിവാക്കിയിട്ടുണ്ട്.
